Sukanya Samriddhi Yojana: मुलीच्या भक्कम भविष्यासाठी सर्व पालक तिच्या जन्मापासूनच योजना आखतात. मुलीचे शिक्षण, उच्च शिक्षण आणि नंतर लग्नासाठी पैसे गोळा करतात. ही सर्व उद्दिष्टे पूर्ण करण्यासाठी अनेक पालक वेगवेगळ्या योजनांमध्ये गुंतवणूक करतात.

मुलींसाठी अनेक बचत आणि गुंतवणूक योजना आहेत. प्रधानमंत्री सुकन्या समृद्धी योजना ही सर्वात लोकप्रिय योजना आहे. कारण, सर्व सरकारी बचत योजनांपैकी सर्वाधिक व्याज फक्त सुकन्या समृद्धी योजनेवरच मिळते. सरकारने यावेळी सुकन्या समृद्धी योजनेच्या व्याजदरात कोणताही बदल केलेला नाही. सध्या या योजनेवर वार्षिक 7.6 टक्के दराने व्याज दिले जात आहे. तुम्ही तुमच्या मुलीसाठी या योजनेत गुंतवणूक करण्याचा विचार करत असाल, तर तुम्हाला 7.6 टक्के दराने व्याज मिळत राहील.

सुकन्या समृद्धी योजना –
सुकन्या समृद्धी योजना ही बचत योजना आहे. या योजनेंतर्गत मुलीचे वय 10 वर्षे पूर्ण होण्यापूर्वी खाते उघडावे लागते. या खात्यात किमान गुंतवणुकीची मर्यादा 250 रुपये आहे. तुम्ही जास्तीत जास्त 1.5 लाख रुपये गुंतवू शकता. मुलीच्या उच्च शिक्षणासाठी किंवा लग्नासाठी ही योजना सुरू करता येते. सुकन्या समृद्धी योजनेंतर्गत गुंतवणुकीसाठी कर सूट देखील उपलब्ध आहे.

सुकन्या समृद्धी योजनेअंतर्गत एका मुलीच्या नावाने फक्त एकच खाते उघडता येते. जर दोन मुली असतील तर दोघांच्या नावे स्वतंत्र खाते उघडता येईल.

बँक किंवा पोस्ट ऑफिसमध्ये उघडा खाते –
सुकन्या समृद्धी योजनेअंतर्गत तुम्ही तुमच्या मुलीच्या नावाने कोणत्याही पोस्ट ऑफिस किंवा बँकेच्या शाखेत खाते उघडू शकता. हे खाते जन्म तारखेपासून 10 वर्षांपर्यंतच्या मुलीसाठी उघडता येते. हे खाते फक्त 250 रुपये जमा करून उघडता येते. खाते उघडण्यासाठी तुम्हाला पोस्ट ऑफिस किंवा बँकेत एक फॉर्म भरावा लागेल. फॉर्मसोबत मुलीच्या जन्म प्रमाणपत्राची प्रत द्यावी लागेल. यासोबतच मुलाची आणि पालकांची ओळखपत्रे द्यायची आहेत.

21 वर्षांसाठी खाते –
सुकन्या समृद्धी योजनेअंतर्गत 21 वर्षांसाठी खाते उघडले जाते. मुलगी 18 वर्षांची झाल्यानंतरही खात्यातून पैसे काढता येतात. सुकन्या समृद्धी योजनेवर 7.6 टक्के व्याज मिळते.

जर तुम्ही तुमच्या मुलीच्या खात्यात दरमहा 3,000 रुपये गुंतवले. आणि जर त्यावर 7.6 टक्के दराने व्याज मिळत असेल, तर 21 वर्षांनंतर तुमचा निधी 15 लाख रुपयांपेक्षा जास्त होईल.