रोम – पंतप्रधान नरेंद्र मोदी यांनी सोमवारी ब्राझीलमध्ये जी- २० शिखर परिषदेदरम्यान इटलीच्या पंतप्रधान जॉर्जिया मेलोनी यांच्यासोबत द्विपक्षीय बैठक घेतली. या बैठकीत भारत आणि इटली यांच्यातील 5 वर्षांच्या 2025-29 च्या कृती आराखड्याची रणनीती तयार करण्यात आली. दरम्यान, जॉर्जिया मेलोनी यांनी भारतासोबतच्या संबंधांबाबत एक ट्विट केले आहे, ज्यामध्ये त्यांनी पंतप्रधान नरेंद्र मोदींना टॅग केले आहे आणि लिहिले आहे की, आम्ही 2025 ते 2029 साठी एक संयुक्त धोरणात्मक कृती योजना बनवली आहे.

भारतासोबतची त्यांची मैत्री सतत वाढत आहे आणि त्यांना भारताचे पंतप्रधान नरेंद्र मोदी यांना भेटायला आनंद होतो. आगामी काळात भारत आणि इटली यांच्यातील भागीदारीची आशा त्यांनी व्यक्त केली. आम्ही विविध क्षेत्रात एकत्र काम करण्यास तयार आहोत. आम्ही 2025 ते 2029 साठी संयुक्त धोरणात्मक कृती योजना देखील जाहीर केली असल्याचे मेलोनी यांनी म्हटले आहे.

भारत-इटली कृती योजनेमध्ये आर्थिक सहकार्य, गुंतवणूक, ऊर्जा, तंत्रज्ञान, अंतराळ योजना, संरक्षण, सुरक्षा, स्थलांतर कनेक्टिव्हिटी आणि गतिशीलता आदी बाबी समाविष्ट आहे. इटली आणि भारत या नवीन क्षेत्रांत एकत्र काम करण्यास पूर्णपणे तयार आहेत. मेलनी यांनी ट्विटमध्ये पुढे लिहिले की, भारताचे पंतप्रधान नरेंद्र मोदी यांना भेटून मला खूप आनंद झाला. हा संवाद, जी-20 शिखर परिषदेच्या निमित्ताने देखील, एक मौल्यवान संधी आहे ज्यामध्ये आपण 2025-29 साठी व्यापार आणि गुंतवणूक, विज्ञान आणि तंत्रज्ञान, नवीन आणि उदयोन्मुख तंत्रज्ञान, यासारख्या प्रमुख क्षेत्रांमध्ये संयुक्त धोरणात्मक कृती योजना जाहीर करू शकतो.

Warns of nuclear war : कोरियन द्वीपकल्पात अमेरिकेनेच तणाव वाढवला – किम जोंग

आम्ही दोन्ही देशांच्या अर्थव्यवस्था आणि नागरिकांच्या फायद्यासाठी आणि लोकशाही, कायद्याचे राज्य आणि शाश्वत विकासाच्या सामायिक मूल्यांच्या समर्थनासाठी आमची द्विपक्षीय भागीदारी अधिक दृढ करण्यासाठी एकत्र काम करत राहण्याची आमची इच्छा व्यक्त करतो.दरम्यान, मेलोनी यांच्या या ट्वीटमुळे गेल्या दोन वर्षांत भारत आणि इटली यांच्यातील आर्थिक संबंध आणि व्यापार किती दृढ झाला आहे हे प्रतित होते.