पुणेः काही दिवसांपूर्वी राज्याचे मस्त्य आणि बंदारे मंत्री नितेश राणे यांनी राज्यातील मटन दुकानांना मल्हार सर्टिफिकेट देण्याचा निर्णय घोषित केला. त्यानुसार आता मटन दुकांनाना मल्हार सर्टिफेकटसाठी मल्हार डॅाट कॅामच्या माध्यमातून हिंदू समाजातील खाटिकांना हे सर्टिफिकेट मिळणार आहे. नितेश राणे यांनी मल्हार सर्टिफेकटसाठी मल्हार हे नाव दिले आहे, या नावाला अनेकांनी विरोध दर्शविला असून काहींनी निर्णयाचे स्वागत केले आहे. मराठी टेलिव्हिजन इंडस्ट्रीतील अभिनेता किरण माने याने  मल्हार या नावाला विरोध दर्शवला असून त्याने यासंबंधी एक पोस्ट त्याच्या एक्स अकाऊंटवरून शेअर केली आहे.

महाराष्ट्र शासनाला आमच्या या पुर्वजाचं नांव द्यायचंच असेल तर देशासाठी पराक्रम गाजवणाऱ्या जवानाला किंवा समाजाला गुलामगिरीच्या जोखडातून बाहेर काढण्यासाठी स्वतःचे प्राण पणाला लावणाऱ्या समाजसेवकाला दिल्या जाणाऱ्या पुरस्कारासाठी वापरावं. छोट्या दुकानांना दिल्या जाणाऱ्या सर्टिफिकेटसवर हे नाव देऊन त्याचा अपमान करू नये, अशी मागणी किरण माने याने या पोस्टच्या माध्यमातून केली आहे.

किरण मानेची पोस्ट 

मल्हार’… बहुजनांचा कुलस्वामी खंडोबाराया ! बहुजनांवर वर्चस्व गाजवू पाहणाऱ्या घुसखोरांना नेस्तनाबूत करून या भुमीवर बळीचं राज्य आणणारा अत्यंत शूर, पराक्रमी असा पूर्वज. आमच्या काळजात त्याला वेगळं स्थान आहे. ग्रामीण महाराष्ट्रात बहुसंख्य घराघरातल्या देव्हाऱ्यात पुजला जाणारा त्याचा हा फोटो खुप काही सांगून जातो.

महाराष्ट्र शासनाला आमच्या या पुर्वजाचं नांव द्यायचंच असेल तर देशासाठी पराक्रम गाजवणाऱ्या जवानाला किंवा समाजाला गुलामगिरीच्या जोखडातून बाहेर काढण्यासाठी स्वतःचे प्राण पणाला लावणाऱ्या समाजसेवकाला दिल्या जाणाऱ्या पुरस्कारासाठी वापरावे… छोट्या दुकानांना दिल्या जाणाऱ्या सर्टिफिकेटसवर हे नांव देऊन त्याचा अपमान करू नये. …आणि हो, आत्ता जनता जगण्याशी संबंधित प्रश्नांनी हैराण आहे.

समाजाला गुलामगिरीच्या जोखडातून बाहेर काढण्यासाठी स्वतःचे प्राण पणाला लावणाऱ्या समाजसेवकाला दिल्या जाणाऱ्या पुरस्कारासाठी वापरावे… छोट्या दुकानांना दिल्या जाणाऱ्या सर्टिफिकेटसवर हे नांव देऊन त्याचा अपमान करू नये. …आणि हो, आत्ता जनता जगण्याशी संबंधित प्रश्नांनी हैराण आहे. महागाई, बेरोजगारी, महिलांवर होणारे बलात्कार, रस्त्यात दिवसाढवळ्या पडणारे खुन, स्पर्धा परीक्षा पेपर घोटाळा, भ्रष्टाचारी गुन्हेगार मंत्र्यांची मनमानी… अशा अनेक गोष्टींनी सर्वसामान्य जनता त्रस्त आहे… त्यावर बोलू नये म्हणून असे बिनकामाचे वाद उकरून काढून आम्हाला उल्लू बनवण्याचे हे ‘स्पॉन्सर्ड’ कार्यक्रम बंद करा.

जय मल्हार ! – किरण माने.