Stock Market: भारतीय शेअर बाजारात आज, २६ फेब्रुवारी रोजी, चढ-उताराचे सत्र पाहायला मिळाले. बाजाराने सुरुवातीची वाढ टिकवून ठेवण्यात अपयश आले आणि अखेर जवळपास सपाट पातळीवर बंद झाला. विक्रीच्या दबावामुळे निफ्टी इंट्राडेमध्ये २५,४०० पर्यंत घसरला. मात्र, पीएसयू बँका, हेल्थकेअर आणि ऑटो क्षेत्रातील खरेदीमुळे बाजाराने तळातून सावरण्यात यश मिळवले. कारोबाराच्या अखेरीस सेन्सेक्स २७.४६ अंक म्हणजेच ०.०३ टक्क्यांनी घसरून ८२,२४८.६१ वर बंद झाला. तर निफ्टी १४.०५ अंकांच्या किंचित वाढीसह २५,४९६.५५ वर स्थिरावला. गुंतवणूकदारांच्या संपत्तीत १.०८ लाख कोटींची भर – निर्देशांक लाल निशाणात असूनही गुंतवणूकदारांसाठी आजचा दिवस फायद्याचा ठरला. बीएसईवर नोंदणीकृत कंपन्यांचे एकूण बाजार भांडवल आज ४६८.४६ लाख कोटी रुपयांवर पोहोचले, जे मागील कारोबारी दिवशी ४६७.३८ लाख कोटी रुपये होते. त्यामुळे गुंतवणूकदारांच्या संपत्तीत एकाच दिवसात तब्बल १.०८ लाख कोटी रुपयांची भर पडली. क्षेत्रनिहाय कामगिरी – ऑटो, फार्मा, ऑइल अँड गॅस, पीएसयू बँक, टेलिकॉम आणि मेटल क्षेत्रातील शेअर्समध्ये ०.४ ते १ टक्क्यांपर्यंत वाढ नोंदवली गेली. मात्र, मीडिया इंडेक्स ०.७ टक्क्यांनी घसरला. निफ्टी मिडकॅप इंडेक्सने ०.६ टक्क्यांची बढत घेतली, तर स्मॉलकॅप इंडेक्स सपाट राहिला. stock market आजचे टॉप गेनर्स आणि टॉप लूजर्स – सेन्सेक्सच्या ३० पैकी १३ शेअर्स हिरव्या निशाणात बंद झाले. भारत इलेक्ट्रॉनिक्सने २.२१ टक्क्यांची सर्वाधिक वाढ नोंदवली. अदाणी पोर्ट्स, सन फार्मा, मारुती सुझुकी आणि भारती एअरटेल हे शेअर्सही ०.७८ ते १.४५ टक्क्यांच्या वाढीसह बंद झाले. दुसरीकडे ट्रेंट १.६१ टक्क्यांच्या घसरणीसह सर्वाधिक तोट्यात राहिला. इटर्नल, पॉवरग्रिड, एचडीएफसी बँक आणि एशियन पेंट्स यांच्या शेअर्समध्येही ०.८२ ते १.५४ टक्क्यांपर्यंत घसरण झाली. बीएसईवर आजची आकडेवारी – आज बीएसईवर एकूण ४,३५६ शेअर्समध्ये व्यवहार झाले. यापैकी २,१७० शेअर्स वाढीसह, तर २,०३० शेअर्स घसरणीसह बंद झाले. १५६ शेअर्स सपाट राहिले. १०९ शेअर्सनी ५२ आठवड्यांचा नवा उच्चांक गाठला, तर २५८ शेअर्सनी ५२ आठवड्यांचा नवा नीचांक नोंदवला. हेही वाचा – टिपू सुलतानने 75 हजार हिंदूंची कत्तल केली, पण ‘हे’ आम्हाला कधीच शिकवले नाही – मुख्यमंत्री फडणवीस
