ST Staff : महाराष्ट्र राज्य परिवहन महामंडळाच्या कर्मचाऱ्यांचा थकीत वेतन लवकरच मिळणार आहे. यासाठी परीवहन महामंडळाने (ST Staff) राज्य सरकारकडे ३२५ कोटींची मागणी केली होती, त्यापैकी १०० कोटींचा निधी मंजूर झाला आहे. यामुळे महामंडळाच्या ८६ हजार कर्मचाऱ्यांच्या थकीत वेतन वाढीचे हप्ते जमा होणार आहेत. एसटी कर्मचाऱ्यांनी याबाबत एसटी कामगार संघटनेने आंदोलनाचा इशारा दिला होता. त्यावरती तोडगा काढत उपमुख्यमंत्री एकनाथ शिंदे यांनी बैठक घेतली होती. थकीत वेतनवाढ समान टप्प्यात विभागणी करून त्याचा खर्च राज्य सरकारकडून करण्याचे आश्वासन बैठकीत देण्यात आले होते. डिसेंबर महिन्याच्या वेतनासोबत थकीत वेतनाचे हप्ते देण्यात आले होते. मात्र फेब्रुवारी महिन्याच्या पगारात थकीत हप्ता देण्यात आला नव्हता. त्यामुळे एसटी महामंडळाचे अध्यक्ष मंत्री प्रताप सरनाईक यांनी थकीत हप्त्याचा निधी महामंडळाकडे वळता करण्याची विनंती सरकारला केली होती. त्यानुसार अर्थ विभागाने १०० कोटींचा निधी महामंडळाला दिला आहे. निधी प्राप्त झाल्यावर वाढीव वेतनाची थकबाकी कर्मचाऱ्यांच्या खात्यात जमा करण्यात येणार आहे.
