पुणे – येरवडा येथील सिद्धार्थ शिक्षण संस्था संचालित डॉ. बाबासाहेब आंबेडकर विद्यालय (इंग्रजी व मराठी माध्यम) आणि ज्युनियर कॉलेजने यंदाही इयत्ता १०वी आणि १२वीच्या परीक्षेत १०० टक्के निकालाची परंपरा कायम ठेवली. शाळेच्या वतीने गुणवंत विद्यार्थ्यांचा सत्कार समारंभ आयोजित करून त्यांचा गौरव करण्यात आला. मराठी माध्यमातून १०वीत कोमल सवदे (९०.२०%) प्रथम, अश्विनी अदाटे (८०.००%) द्वितीय आणि संकेश अखाडे (६९.८०%) तृतीय आले. बहिःस्थ गटात आदर्श लव्हे (५१.६०%) प्रथम आणि निशा गायसमुद्रे (५०.६०%) द्वितीय ठरली. इंग्रजी माध्यमात प्रिन्स मोर्या (९५.८०%) प्रथम, कोमल वर्मा (९२.००%) द्वितीय आणि काया चव्हाण (९१.४०%) तृतीय आली. बहिःस्थ गटात असिथा गोरतळा (७५.८०%), आरती राऊत (७४.८०%) आणि काया चव्हाण (७३.६०%) यांनी अनुक्रमे पहिले तीन क्रमांक पटकावले. १२वीच्या विज्ञान शाखेत (नियमित) श्रेया पाटील (७९.८३%) प्रथम, शुभ्रा यशवंतराव (७९.१७%) द्वितीय आणि सिद्धेश ढेबे (७६.३३%) तृतीय आले. बहिःस्थ विज्ञान शाखेत अजित घायतिडक (७३.६०%) आणि वाणिज्य शाखेत आकाश ब्रम्हराक्षे (५१.००%) यांनी यश मिळवले. मुख्याध्यापिका विद्या पाटील, अनामिका कुलकर्णी आणि विशाल वाघमारे यांनी विद्यार्थ्यांचा सत्कार केला. शिक्षकांच्या मार्गदर्शनामुळेच हा निकाल शक्य झाल्याचे त्यांनी नमूद केले. संस्थेचे अध्यक्ष अशोक पाटील आणि उपाध्यक्ष अनुराग पाटील यांनी विद्यार्थी, पालक आणि शिक्षकांचे अभिनंदन करत विद्यार्थ्यांना उज्ज्वल भविष्यासाठी शुभेच्छा दिल्या.
