Beed Walmik Karad News – मस्साजोगचे सरपंच संतोष देशमुख यांच्या हत्येतील आरोपी वाल्मिक कराड यांना बीड जिल्हा तुरुंगात विशेष वागणूक मिळत असल्याचा आरोप धनंजय देशमुख यांनी केला आहे. तसेच, त्यांना नागपूर किंवा चंद्रपूर येथील तुरुंगात हलवण्याची मागणीही त्यांनी केली आहे. तुरुंग अधीक्षकांनी हा आरोप फेटाळून लावला आहे.

संतोष देशमुख यांचे भाऊ धनंजय देशमुख यांनी यासंदर्भात बुधवारी पुणे येथील कारागृह महानिरीक्षकांना निवेदन सादर केले. कराडला टेलिफोन आणि व्हिडिओ-कॉलसारख्या विशेष सोयी-सुविधा पुरवल्या जात असल्याचा दावा निवेदनात केला आहे. कराडला नागपूर किंवा चंद्रपूरसारख्या दूरच्या तुरुंगात हलवावे, जेणेकरून तेथून तो आपला प्रभाव टाकू शकणार नाहीत, अशी मागणीही केली आहे.

याबाबत बीड जिल्हा तुरुंगाचे अधीक्षक रामराजे चंदन यांनी कराड यांना कोणतीही विशेष वागणूक दिली जात नसल्याचे म्हटले. नियमांनुसार, प्रत्येक कैद्याला आठवड्यातून एकदा ऑडिओ किंवा व्हिडिओ कॉलद्वारे आपल्या कुटुंबीयांशी बोलण्याची परवानगी असते, असे त्यांनी सांगितले. बीड जिल्ह्यातील मस्सजोग गावचे सरपंच संतोष देशमुख यांची २०२४ मध्ये अपहरण करुन त्यांची हत्या करण्यात आली होती.