मुंबई – दाक्षिणात्य अभिनेता थलपती विजय त्याच्या अभिनयामुळे नेहमीच चर्चेत राहिला आहे. त्याचे अनेक चित्रपट सुपरहिट ठरले आहेत. मात्र आता एका वेगळ्या कारणामुळे तो चर्चेत आला आहे. हल्ली सिनेक्षेत्रातील सर्वच कलाकार हे इन्स्टाग्रामवर सक्रिय असतात. मात्र याला थलपती विजय हा अपवाद होता. मात्र आता त्याने इन्स्टाग्रामवर एंट्री केली आहे. सोशल मीडियावर त्याची एंट्री अवघ्या काही तासातच त्याचे मिलियनच्या घरात फॉलोवर्स झाले आहेत.

थलपती विजयने ‘actorvijay’ या नावाने सोशल मीडियावर एंट्रीकेली आहे. काल अर्थात 3 एप्रिल 2023 रोजी त्याने इन्स्टाग्रामवर एक पोस्ट शेअर केली होती. ‘लिओ’ चित्रपटाच्या सेटवरील स्वतःचा एक फोटो त्याने शेअर केला. थलपती विजयने हा फोटो शेअर करत ‘हॅलो नानबाज अँड ननबीज’ असे म्हंटले आहे.

यातील त्याच्या लुकची देखील चांगलीच चर्चा रंगली होती. थलपती विजयच्या या पोस्टला काही तासांतच तब्बल 4 लाखांहून अधिक लाईक्स आले, तर साडेचार लाखांहून अधिक कमेंट्स आल्या होत्या. थलपती विजयने हा फोटो शेअर करत ‘हॅलो नानबाज अँड ननबीज’ असे म्हंटले आहे.

 

View this post on Instagram

 

A post shared by Vijay (@actorvijay)

त्याच्या इंस्टाग्रामवर 4 मिलियनहून अधिक फॉलोअर्स झाले आहेत. सुप्रसिद्ध अभिनेत्री रश्मिका मंदाने देखील थलपती विजयला फॉलो केले आहे. याआधी थलपती विजय ‘वारीसू’ सारख्या ब्लॉकबस्टर चित्रपटांमध्ये दिसला होता. आता तो ‘थलपती 67’ मध्ये दिसणार आहे. या चित्रपटात विजय व्यतिरिक्त अभिनेता संजय दत्त दिसणार आहे.