Sonakshi Sinha : बॉलिवूड अभिनेत्री सोनाक्षी सिन्हा आणि तिचा पती झहीर इक्बाल पुन्हा एकदा मोठ्या पडद्यावर एकत्र झळकणार आहेत. त्यांच्या आगामी चित्रपटाची घोषणा नुकतीच करण्यात आली असून, सोनाक्षीने या चित्रपटाचे पहिले पोस्टर आपल्या इन्स्टाग्राम अकाउंटवर शेअर केले आहे.

‘तू है मेरी किरण’ असे या चित्रपटाचे नाव असून, पोस्टरने चाहत्यांचे लक्ष वेधून घेतले आहे. पोस्टरमध्ये सोनाक्षी सिन्हा लॅपटॉपवर काम करताना दिसत आहे, तर झहीर इक्बाल हातात फोन घेऊन तिच्याकडे पाहताना दिसतो. सोनाक्षीने पोस्ट शेअर करताना, “प्रेम आणि वेड यांच्यात तुम्ही रेषा कुठे आखता?” असे हटके कॅप्शन दिले आहे.

या चित्रपटाच्या पोस्टरनंतर चाहत्यांमध्ये उत्सुकता निर्माण झाली आहे. ‘तू है मेरी किरण’ हा चित्रपट २३ ऑक्टोबर रोजी प्रदर्शित होणार आहे. करण रावल यांनी या चित्रपटाचे लेखन आणि दिग्दर्शन केले आहे.

 

View this post on Instagram

 

A post shared by Sonakshi Sinha (@aslisona)

सर्वेश गोयल, अश्वनी कुमार, मनोज दरक आणि नृपाल पटेल यांनी चित्रपटाची निर्मिती केली आहे. सोनाक्षीच्या पोस्टवर चाहत्यांनी उत्स्फूर्त प्रतिक्रिया दिल्या आहेत. अनेकांनी चित्रपटासाठी उत्सुक असल्याचे सांगितले असून, सोनाक्षी-झहीरची केमिस्ट्री मोठ्या पडद्यावर पाहण्यासाठी चाहते आतुर असल्याचे कमेंट्समधून दिसून येत आहे. विशेष म्हणजे, ‘तू है मेरी किरण’ हे नाव शाहरुख खानच्या १९९३ मध्ये प्रदर्शित झालेल्या ‘डर’ चित्रपटातील लोकप्रिय गाण्यावरून प्रेरित आहे.

अनेक वर्षे एकमेकांना डेट केल्यानंतर अखेर २०२४ मध्ये सोनाक्षी आणि झहीर यांनी नात्याची कबुली देत लग्न केले. यापूर्वी दोघांनी ‘डबल एक्सएल’ या २०२२ मध्ये प्रदर्शित झालेल्या चित्रपटात एकत्र काम केले होते.

Adinath Kothare: आदिनाथ कोठारेसोबत काम करण्याचा यामीने शेअर केला अनुभव; म्हणाली…