Virat Kohli : भारतीय क्रिकेट संघाचा माजी कर्णधार विराट कोहलीच्या फेव्हरेट गाण्याने १०० मिलियन व्ह्यूचा टप्पा यूट्यूबवरून पार केला आहे. “Nee Singam Dhan” असं या गाण्याचं नाव आहे. सध्या हे गाणं सोशल मीडियावर ट्रेडिंगमध्ये आहे. कोल्हापूरची शान माधुरी हत्तीणीचा विषय सोशल मीडियावर चर्चेत आल्यानंतर हे गाणं व्हिडीओसाठी वापरण्यात आलं. आता या गाण्याने सगळ्यांनाच भुरळ घातली आहे. पण हे गाणं विराटच्या फेव्हरेट लिस्टमधील कसं बनलं याचं कारण आता समोर आलं आहे.

हे गाणं Sid Sriram यांनी गायलं असून, या गाण्याची निर्मिती ए आर रेहमान यांनी केली आहे. अल्पावधीतच या गाण्याने चाहत्यांचं मनं जिंकली आहे. ‘पथु थला’ या तमिळ सिनेमातील हे गाणं आहे. सिलंबरासन उर्फ सिम्बूने या सिनेमात प्रमुख भूमिका साकारली आहे. दक्षिणेसह देशभरातील अनेकांना या गाण्यानी भुरळ पाडली आहे. अलीकडे जेव्हा ए आर रहमान यांना धोनीसाठी कोणतं गाणं गातील असं विचारण्यात आलं होतं.  त्यावेळी त्यांनी ‘Nee Singam Dhan’  हे गाणं निवडलं, असं खास कनेक्शन या गाण्याचं समोर आलं आहे.

क्रिकेटपटू विराट कोहलीने हे गाणं त्याचं सध्या आवडतं गाणं म्हणून सांगितलं होतं. त्यानंतर सोशल मीडियावर त्याची चांगलीच चर्चा झाली. या गाण्याचं मराठीत बोल “तू खरंच एक सिंह आहेस” असा होतो. क्रिकेटर विराट कोहली सोशल मीडियावर सक्रिय असून तो नेहमी आपल्या आयुष्यातील गोष्टी चाहत्यांसोबत शेअर करत असतो. त्याची पत्नी अभिनेत्री अनुष्का शर्माही सोशल मीडियावर दोघांचे आणि त्यांची मुलगी वामिका यांच्याबद्दल पोस्ट शेअर करत असते.

हेही वाचा : ट्रम्पच्या नवीन टॅरिफ घोषणेमुळे सोन्याला झळाळी ; आज १० ग्रॅमसाठी किती मोजावे लागणार पैसे? जाणून घ्या किंमत