नेवासे : त्रिमूर्ती पावन प्रतिष्ठान संचलित त्रिमूर्ती कला, वाणिज्य आणि विज्ञान महाविद्यालय, त्रिमूर्तीनगर,नेवासे फाटा येथे नव्याने प्रवेश घेतलेल्या विद्यार्थ्यांच्या स्वागतासाठी फ्रेशर पार्टीचे उत्साहपूर्ण आनंददायी वातावरणात संपन्न झाले. या नवागत विद्यार्थ्यांच्या महाविद्यालयीन जीवनातील पहिल्या पावलाला आनंदाची आणि उत्साहाची जोड देत हा कार्यक्रम विशेष संस्मरणीय ठरला ठरला.

या कार्यक्रमाच्या प्रारंभी संस्थेच्या उपाध्यक्ष ॲड.स्नेहल घाडगेपाटील यांच्या प्रमुख उपस्थितीत मान्यवरांच्या हस्ते दीपप्रज्वलन करून कार्यक्रमाचे उद्घाटन करण्यात आले यावेळी महाविद्यालयाचे प्राचार्य डॉ.चांगदेव आरसुळे, वरिष्ठ महाविद्यालयाच्या समन्वयिका डॉ.अनुराधा गोरे, डॉ.संध्या भंगाळे, प्रा.निकिता बर्गे, प्रा.संतोष जावळे, प्रा.रोडे,प्रा.प्रवीण आवारे,प्रा.साईनाथ भवर, प्रा.आशुतोष पल्हारे,प्रा.अक्षय देवतरसे, प्रा.सोमनाथ खेडकर, प्रा.गोरख गुंड, प्रा.योगिता गायकवाड,प्रा.देवकर, प्रा.औटी, प्रा.भोसले, प्रा.कोल्हे, प्रा. वंजारे, प्रा.वैरागर, प्रा.गांगुर्डे,प्रा.सोनवणे आदी प्राध्यापक वृंद तसेच विद्यार्थी यावेळी मोठ्या संख्येने उपस्थित होते.

यावेळी स्नेहल घाडगेपाटील यांनी विद्यार्थ्यांना मार्गदर्शन केले तसेच विद्यार्थ्यांना त्रिमूर्ती शिक्षण संस्थेविषयी अधिक माहिती दिली यावेळी प्राचार्य डॉ.चांगदेव आरसुळे यांनी नवागत विद्यार्थ्यांचे मनःपूर्वक स्वागत करून महाविद्यालयातील विविध शैक्षणिक, सांस्कृतिक, क्रीडा, राष्ट्रीय सेवा योजना व इतर विद्यार्थी हिताच्या उपक्रमांची माहिती दिली. महाविद्यालयीन जीवन हे केवळ अभ्यासापुरते मर्यादित नसून विविध उपक्रमांमध्ये सहभागी होऊन विद्यार्थ्यांनी आपल्या व्यक्तिमत्त्वाचा सर्वांगीण विकास साधावा, असे आवाहनही यावेळी त्यांनी केले.

यानंतर प्रज्ञा धनवटे,विद्या दारुंटे व भक्ती राहाट या विद्यार्थिनींनी आपले मनोगत व्यक्त करून महाविद्यालयातील अनुभव आणि फ्रेशर पार्टीबद्दलच्या भावना व्यक्त केल्या या फ्रेशर पार्टीमध्ये विद्यार्थ्यांनी विविध सांस्कृतिक कार्यक्रम,नृत्य,गायन,विनोदी सादरीकरणे व मनोरंजनात्मक खेळांमध्ये उत्स्फूर्त सहभाग घेतला.नवागत विद्यार्थ्यांनीही आत्मविश्वासाने आपली कला व कौशल्ये सादर करून उपस्थितांना आपल्या कला कौशल्यात खिळवून ठेवले या संपूर्ण कार्यक्रमादरम्यान विद्यार्थ्यांमध्ये उत्साह, आनंद आणि आपुलकीचे वातावरण निर्माण झाल्याचे दिसून आले या कार्यक्रमाच्या यशस्वी आयोजनासाठी महाविद्यालयातील सर्व प्राध्यापक व शिक्षकेत्तर कर्मचाऱ्यांनी विशेष परिश्रम घेतले तर कार्यक्रमाचे सूत्रसंचालन कु.अपेक्षा हजारे व श्रावणी खाटीक यांनी केले.

यावेळी ‘मिस्टर फ्रेशर’ व ‘मिस फ्रेशर’ निवडीसाठी विविध मनोरंजनात्मक फेऱ्यांचे आयोजन करण्यात आलेले होते विद्यार्थ्यांनी यामध्ये उत्स्फूर्तपणे सहभाग घेत आपल्या व्यक्तिमत्त्वातील विविध गुणांचे दर्शन घडविले विजेत्या विद्यार्थ्यांचा यावेळी मान्यवरांच्या हस्ते विशेष गौरव करण्यात आला.