Skoda Kylaq: काही दिवसांपूर्वीच लाँच झालेल्या Skoda Kylaq ची डिलिव्हरी सुरू झाली आहे. भारतीय बाजारात ही कार 7.89 लाख रुपयांपासून ते 14.40 लाख रुपयांपर्यंत (एक्स-शोरूम) उपलब्ध आहे. कंपनीने वर्षाला 1 लाख यूनिटच्या विक्रीचे लक्ष्य समोर ठेवले आहे. तुम्हाला कार खरेदी करायची असल्यास Skoda Kylaq चा विचार करू शकता. या कारची वैशिष्ट्ये जाणून घेऊयात.

Skoda Kylaq चे इंजिन आणि स्पेसिफिकेशन्स

Skoda Kylaq च्या पॉवरट्रेनबद्दल सांगायचे तर यामध्ये 1.0-लिटर टीएसआय इंजिन दिले असून, जे 115 बीएचपी पॉवर आणि 178 एनएमचा पीक टॉर्क जनरेट करते. ग्राहकांना एसयूव्हीमध्ये 6-स्पीड एमटी आणि 6-स्पीड एटी टॉर्क कन्व्हर्टर ट्रान्समिशनचा पर्याय मिळेल. एसयूव्ही क्लासिक, सिग्नेचर, सिग्नेचर+ आणि प्रेस्टिज या चार व्हेरिएंटमध्ये उपलब्ध आहे.

कारमध्ये समोरील बाजूला ब्लॅक ग्रिल दिली असून, ज्याच्या दोन्ही बाजूला एलईडी हेडलाइट्स आहेत. तसेच, मागील बाजूस एलईडी टेललाइट्स दिले आहेत. ही एसयूव्ही 17 इंच अलॉय व्हील्ससह येते. कारच्या इतर फीचर्सबद्दल सांगायचे तर यात 10.1-इंच इंफोटेनमेंट स्क्रीन, 8-इंच इंस्ट्रूमेंट क्लस्टर, क्लाइमेट्रॉनिक ऑटोमॅटिक क्लाइमेट कंट्रोल आणि वायरलेस चार्जर दिला आहे. यामध्ये इलेक्ट्रिक सनरूफ, क्रूज कंट्रोल आणि स्टेयरिंग-माउंटेड पॅडल-शिफ्टर्स देखील मिळेल.

MQB-A0-IN प्लेटफॉर्मवर आधारित Skoda Kylaq ला भारत NCAP मध्ये 5-स्टार सेफ्टी रेटिंग प्राप्त आहे. एसयूव्हीमध्ये टॉरनेडो रेड, ब्रिलियंट सिल्वर, कँडी व्हाइट, कार्बन स्टील, लावा ब्लू, डीप ब्लॅक आणि ऑलिव्ह गोल्ड हे 7 एक्सटीरियर कलर पर्याय उपलब्ध आहेत. या कारची डिलिव्हरी सुरू झाली असून, तुम्ही कंपनीच्या जवळील शोरूममध्ये जाऊन एसयूव्ही खरेदी करू शकता.