SIR Controversy: निवडणूक आयोगाविरोधात विरोधी पक्षांचा गदारोळ सुरूच आहे. आजही दिवसभर गोंधळ होणार असल्याचे दिसून येत आहे. काँग्रेस पक्षाने सर्व सरचिटणीस, राज्य प्रभारी आणि प्रदेशाध्यक्ष यांची दुपारी ४ वाजता बैठक बोलावली आहे.

विरोधी पक्ष मंगळवारी निवडणूक आयोगाच्या कार्यालयावर मोर्चा काढणार आहे. मुख्य निवडणूक आयुक्तांच्या राजीनाम्याच्या मागणीसाठी जंतर मंतर येथे जवळपास दररोज निदर्शनेही होत आहेत.

आजचा दिवस यासाठीही महत्त्वाचा आहे, कारण मुख्य निवडणूक आयुक्त ज्ञानेश कुमार यांच्यावर एकतर्फी निर्णय घेतल्याचा आरोप आहे आणि सर्वोच्च न्यायालयात आज या प्रकरणाची सुनावणी होत आहे.

न्यायालयाने निवडणूक आयोगाच्या बैठकांचा तपशील, संपूर्ण प्रकरणाची न्यायालयीन चौकशी करण्याची मागणी केली आहे आणि ज्ञानेश कुमार यांना मुख्य निवडणूक आयुक्त पदाच्या कर्तव्यापासून दूर राहण्याचे निर्देश देण्याची मागणी केली आहे.

विरोधी पक्षांनी न्यायमूर्ती उज्ज्वल भुयान यांच्या वक्तव्याचा मुद्दा बनवला  SIR Controversy:

दरम्यान, सर्वोच्च न्यायालयाचे न्यायमूर्ती उज्ज्वल भुयान यांच्या वक्तव्याने विरोधी पक्षाला एक नवीन अस्त्र दिले आहे. रविवारी एका कार्यक्रमात ते म्हणाले की, मतदानाच्या हक्कांपासून मोठ्या प्रमाणावर वंचित ठेवणे हे मनमानी आहे. हैदराबाद याठिकाणी नालसार विद्यापीठात बोलताना न्यायमूर्ती भुयान म्हणाले की, मृत्यूची प्रकरणे वगळता, नोटीस आणि सुनावणीशिवाय कोणत्याही मतदाराचे नाव यादीतून काढता येणार नाही.

जयराम रमेश म्हणाले, “मुख्य निवडणूक आयुक्तांनी आपला नैतिक अधिकार गमावला आहे.”

त्यांच्या वक्तव्यानंतर, काँग्रेसचे सरचिटणीस जयराम रमेश म्हणाले, “काल हैदराबाद येथील नालसार विद्यापीठात न्यायमूर्ती उज्ज्वल भुयान यांनी धैर्याने बोलून मुख्य निवडणूक आयुक्तांचा पर्दाफाश केला. ज्ञानेश कुमार यांना थोडी जरी लाज वाटत असेल, तर त्यांनी तात्काळ राजीनामा द्यावा. जी-२ चे बेकायदेशीर आदेश लागू करण्याच्या त्यांच्या क्षमतेमुळे ते आता देशावर ओझे बनले आहेत.”

Here is the bold Justice Ujjal Bhuyan speaking yesterday in NALSAR University in Hyderabad where he exposed the CEC lock, stock and barrel. If he has any sense of shame Gyanesh Kumar must quit right away. His ability to execute G2’s illegal orders have now made him a liability for the country.

— Jairam Ramesh (@Jairam_Ramesh) October 5, 2026

दुसऱ्या एका वक्तव्यात जयराम रमेश म्हणाले, “त्यांच्या वक्तव्यावरून हे निर्णायकपणे सिद्ध होते की, स्वतः एक घटनात्मक पदाधिकारी असलेल्या मुख्य निवडणूक आयुक्तांनी संविधानाच्या मूळ हेतू आणि भावनेचे उल्लंघन केले आहे. न्यायमूर्ती भुयान यांनी याहूनही अधिक काही सांगितले आहे आणि मुख्य निवडणूक आयुक्तांचा पूर्णपणे पर्दाफाश केला आहे. ज्ञानेश कुमार यांनी आपल्या पदावर राहण्याचा सर्व नैतिक अधिकार गमावला आहे.”

महुआ मोइत्रा काय म्हणाल्या?

टीएमसी खासदार महुआ मोइत्रा यांनी एका एक्स-पोस्टमध्ये लिहिले, “निवृत्तीनंतर न्यायाधीशाने धैर्य दाखवणे सोपे आहे, पण जेव्हा पदावर असलेले न्यायाधीश सत्तेला सत्य सांगतात, तेव्हा ते एक उदाहरण ठरते. न्यायमूर्ती भुयान कौतुकास पात्र आहेत.”

आपचे आंदोलन SIR Controversy:

रविवारी दिल्ली आणि मुंबईतही आंदोलने झाली. मुख्य निवडणूक आयुक्त (सीईसी) ज्ञानेश कुमार यांच्या राजीनाम्यासाठी जंतर मंतरला पुन्हा आंदोलनाचे ठिकाण म्हणून घोषित करण्याच्या मागणीसाठी इंडियन यूथ काँग्रेसने दिल्लीत मशाल रॅली काढली.

मुख्य निवडणूक आयुक्त ज्ञानेश कुमार यांच्या राजीनाम्याच्या मागणीसाठी इंडिया गेटवर आंदोलन करत असताना पोलिसांनी आम आदमी पार्टीच्या (आप) डझनहून अधिक कार्यकर्त्यांना आणि नेत्यांना ताब्यात घेतले.

भाजपने आम आदमी पार्टीवर दिल्लीतील राजकीय वातावरण दूषित करण्याचा आणि कायदा व सुव्यवस्था बिघडवण्याचा प्रयत्न केल्याचा आरोप केला. ‘आप’ने दिलेल्या वृत्तानुसार, दिल्ली प्रदेशाध्यक्ष सौरभ भारद्वाज, आमदार संजीव झा आणि कुलदीप कुमार, तसेच पक्षाची शाखा ‘असोसिएशन ऑफ स्टुडंट्स फॉर अल्टरनेटिव्ह पॉलिटिक्स’ (ASAP) चे २५ कार्यकर्ते आणि स्वयंसेवकांना ताब्यात घेण्यात आले आहे.

दरम्यान, योगेंद्र यादव आणि ‘आयसा’चे कार्यकर्ते आंदोलन सुरूच ठेवत आहेत. त्यांनी म्हटले आहे की, हे केवळ एक दिवसाचे प्रतिकात्मक आंदोलन नसून, ज्ञानेश कुमार यांना हटवेपर्यंत ही एक निरंतर चालणारी प्रक्रिया आहे.

मुंबईत एमव्हीएचे आंदोलन

रविवारी, शिवसेना (यूबीटी) प्रमुख उद्धव ठाकरे यांनी मुख्य निवडणूक आयुक्त ज्ञानेश कुमार हे सत्ताधारी भाजपसाठी ‘शस्त्र’ म्हणून काम करत असल्याचा आरोप केला. दरम्यान, मनसे नेते राज ठाकरे यांनी महाराष्ट्राच्या मतदार यादीची विशेष सखोल पुनर्तपासणी (SIR) रद्द करण्याची मागणी केली.

मुख्य निवडणूक आयुक्तांच्या विरोधात मुंबईत ठाकरे बंधूंच्या नेतृत्वाखाली हजारो लोकांनी मोर्चा काढला, ज्याचे रूपांतर रॅलीत झाले. या रॅलीला काँग्रेस नेते बाळासाहेब थोरात आणि विजय वडेट्टीवार तसेच शरद पवार यांच्या नेतृत्वाखालील राष्ट्रवादी काँग्रेसचे (एसपी) जयंत पाटील, शशिकांत शिंदे, जितेंद्र आव्हाड आणि अनिल देशमुख उपस्थित होते.