Singeetham Srinivasa Rao : ज्‍येष्‍ठ चित्रपट निर्माते-दिग्‍दर्शक सिंगीतम श्रीनिवास राव (Singeetham Srinivasa Rao) यांचे वयाच्या ९४व्या वर्षी निधन झाले. त्यांनी चेन्नईतील कावेरी रुग्णालयात अखेरचा श्वास घेतला. वयोमानाशी संबंधित आरोग्याच्या समस्यांमुळे त्यांच्यावर रुग्णालयात उपचार सुरू होते.

सिंगीतम यांनी पुष्पक विमानम आणि आदित्य ३६९ यांसह तेलुगू, कन्नड, तमिळ, हिंदी आणि इंग्रजी भाषांमध्ये सुमारे ६० चित्रपटांचे दिग्दर्शन केले होते. त्यांना दोन राष्ट्रीय चित्रपट पुरस्कारांसह अनेक सन्मान मिळाले होते. सिंगीतम श्रीनिवास राव (Singeetham Srinivasa Rao) यांनी चित्रपट कारकिर्दीची सुरुवात ज्येष्ठ दिग्दर्शक के. व्ही. रेड्डी यांचे सहायक म्हणून केली. त्यांनी मायाबाजार आणि जगदेक वीरुनी कथा यांसारख्या चित्रपटांमध्ये काम केले.

1972 मध्ये तेलुगू चित्रपट नीती-निजायतीद्वारे त्‍यांनी दिग्दर्शन क्षेत्रात पदार्पण केले. त्यानंतर त्यांनी तेलुगू, तमिळ, कन्नड, हिंदी आणि इंग्रजी भाषांमध्ये सुमारे ६० चित्रपटांचे दिग्दर्शन केले. त्यांच्या प्रमुख चित्रपटांमध्ये दिक्कत्र पार्वती, मयुरी, पुष्पक विमानम, आदित्य ३६९, भैरव द्वीपम, मगलिर मत्तुम आणि मायकेल मदना काम राजन यांचा समावेश आहे.

सिंगीतम श्रीनिवास राव यांना 5 नंदी पुरस्कार, 3 कर्नाटक राज्य चित्रपट पुरस्कार आणि 3 फिल्मफेअर पुरस्कार साउथही मिळाले. 2011 मध्ये फिल्म फेडरेशन ऑफ इंडियाने त्यांना जीवनगौरव पुरस्कार दिला. वयाच्या ९४व्या वर्षी त्यांनी आपला शेवटचा चित्रपट सिंग गीथम दिग्दर्शित केला होता. हा चित्रपट १२ जून २०२६ रोजी प्रदर्शित झाला होता.

तेलुगू आणि तमिळ चित्रपटसृष्टीतील अनेक कलाकारांनी सोशल मीडियावर त्यांना श्रद्धांजली वाहिली. कमल हासन, ज्युनियर एनटीआर, श्रुती हासन, नाग अश्विन आणि महेश बाबू यांनी त्यांच्या निधनाबद्दल (Singeetham Srinivasa Rao) शोक व्यक्त केला.