पुणे : कात्रज मधील सिद्धिविनायक ग्रुप शिवजयंती उत्सव समितीतर्फे सलग सात दिवस शिवमहोत्सव साजरा होणार आहे .आज लहान मुलांच्या चित्रकला स्पर्धा, महिलांच्या रांगोळी स्पर्धा, संगीत खुर्ची असे कार्यक्रम पार पडले. यात गडकिल्ले, छत्रपती शिवाजी महाराज, शिवराज्याभिषेक, पर्यावरण असे विविध प्रसंग मुलांनी व महिलांनी रांगोळी व चित्रकले मधून साकार केले. याचे उद्घाटन आ. डॉ. तानाजीराव सावंत यांच्या हस्ते पार पडले. सर्व स्पर्धांना या परिसरातील रहिवाशांनी उत्कृष्ट प्रतिसाद दिला. गेली दहा वर्षे सिद्धिविनायक ग्रुप सामाजिक व विधायक उपक्रम राबवून शिवजयंती साजरी करत असतात .या सात दिवसात अनाथ आश्रम, वृद्धाश्रम यांना मदत ,सिंहगडावरून पेटती मशाल, महिलांच्या वतीने शिवजन्म सोहळा, छत्रपती शिवाजी महाराजांची रथांमधून भव्य मिरवणूक, महिलांची रॅली ,अश्वमेघ ढोल ताशा ,ज्ञानप्रबोधनी ढोल ताशा ,पत्रकार खेळाडूंचा सत्कार घेत असतात. तसेच शिव वंदना, महिलांचे लेझीम खेळ, बक्षीस वितरण, व्याख्यान ,शिवप्रतिज्ञा, पारंपारिक विविध वेशभूषा धारण केलेले लहान मावळे, असे अनेक विथ उपक्रम साजरे करणार असल्याचे सिद्धिविनायक ग्रुप कात्रज तर्फे सांगण्यात आले .गेली दहा वर्षे झाले हे युवक अनाथालयात सामाजिक उपक्रम, गड किल्ल्यांची सफाई, वृक्षारोपण असे कार्यक्रम पार पाडतात.
