Shreyas Iyer Rection : लाजिरवाण्या पराभवानंतर कर्णधार श्रेयस अय्यरचे मोठे वक्तव्य; मॅट हेन्रीचे केले कौतुक, तर ‘या’ गोष्टीवर फोडले पराभवाचे खापर!
Shreyas Iyer Rection : श्रेयस अय्यर म्हणाला की, पहिल्या डावानंतर जेव्हा तो ड्रेसिंग रूममध्ये परत गेला, तेव्हा त्याला वाटले होते की भारत लक्ष्याचा पाठलाग करताना वेगाने धावा करू शकेल. मात्र, दुसऱ्या डावात चेंडू प्रचंड स्विंग होत होता आणि संघ ८९ धावांवर सर्वबाद झाला.
Shreyas Iyer Reaction IND vs NZ 4th ODI Loss Matt Henry Pitch Condition : एकदिवसीय कर्णधारपदाच्या पहिल्याच सामन्यात श्रेयस अय्यरला अत्यंत नामुष्कीजनक पराभवाचा सामना करावा लागला आहे. स्वतः पहिल्याच चेंडूवर ‘गोल्डन डक’वर बाद झाल्यानंतर, भारतीय संघाला न्यूझीलंडविरुद्ध तब्बल २४४ धावांनी लाजिरवाणा पराभव पत्करावा लागला. हा भारताच्या एकदिवसीय इतिहासातील दुसरा सर्वात मोठा पराभव ठरला. या धक्कादायक निकालानंतर श्रेयस अय्यरने प्रतिक्रिया देताना किवी गोलंदाज मॅट हेन्रीचे कौतुक केले, तसेच पहिल्या आणि दुसऱ्या डावातील खेळपट्टीमध्ये मोठा फरक असल्याचे सांगितले.
खेळपट्टीतील फरक आणि मॅट हेन्रीच्या अचूक टप्प्याला दिले श्रेय –
पराभवाचे विश्लेषण करताना श्रेयस अय्यर म्हणाला, “हा पराभव स्वीकारणे नक्कीच कठीण आहे. पहिल्या आणि दुसऱ्या डावातील खेळपट्टीत खूप मोठा फरक होता; परंतु मॅट हेन्रीने पहिल्या चेंडूपासून ज्या अचूक टप्प्यावर गोलंदाजी केली, त्याचे श्रेय त्याला दिलेच पाहिजे. त्याने खरोखरच अप्रतिम मारा केला.” हेन्रीने ५८ पैकी ४० चेंडू ‘गुड लेन्थ’वर टाकत अवघ्या ५ धावांत ५ विकेट्स घेतले.
ड्रेसिंग रूममध्ये होता विजयाचा विश्वास; मात्र चेंडूच्या सीमने फिरवला खेळ –
Shreyas Iyer after 244-run defeat: “No one threw their wicket away”
He said:
“When we got into the dressing room, we thought that we would be cruising through the chase as well. But the way the ball was seaming in and out… no one threw the wicket away. It was good deliveries.” https://t.co/KUoEBbGVw2
— Cricket Hub (@Anurag9793) November 13, 2026
भारतीय रणनीतीबद्दल बोलताना अय्यरने स्पष्ट केले की, “पहिल्या डावात आम्ही सर्व प्रयोग करून पाहिले. न्यूझीलंडने ३३३ धावा केल्यावर खेळपट्टी फलंदाजीस अनुकूल असल्याचे आम्हाला वाटले होते आणि आम्ही हे लक्ष्य सहज गाठू असा विश्वास ड्रेसिंग रूममध्ये होता. काही झेल सुटले, पण खेळात असे घडते. मात्र, दुसऱ्या डावात चेंडू ज्या प्रकारे आत आणि बाहेर सीम होत होता, त्यामुळे कोणाचाही निभाव लागला नाही; सर्व विकेट्स उत्तम चेंडूंवरच गेल्या.”
हा पराभव विसरून नव्या जोमाने पाचव्या सामन्यात उतरणार –
आता मालिकेचा निकाल पाचव्या सामन्यावर अवलंबून आहे. यावर अय्यर म्हणाला, “हा सामना विसरणे गरजेचे आहे. फलंदाजी आणि गोलंदाजीत नेमके काय चुकले याचे आम्ही विश्लेषण करू. पण आपण या मालिकेत दोन सामने जिंकलो आहोत हे लक्षात ठेवून, नव्या मानसिकतेसह पुढील सामन्यात उतरू.”
