Shraddha Kapoor: बॉलिवूडमध्ये सध्या जुन्या चित्रपटांच्या री-रिलीजचा ट्रेंड वाढताना दिसत आहे. अशातच आता २०१३ मधील सुपरहिट चित्रपट आशिकी 2 पुन्हा थिएटरमध्ये येणार का, याबद्दल चर्चा रंगल्या आहेत. याला कारण ठरल आहे अभिनेत्री श्रद्धा कपूर हिचा एक जुना व्हिडिओ, जो सध्या सोशल मीडियावर पुन्हा व्हायरल झाला आहे.

या चित्रपटात आदित्य रॉय कपूर आणि श्रद्धा कपूर यांची जोडी प्रेक्षकांना खूप आवडली होती. चित्रपटातील प्रेमकथा, भावनिक गाणी आणि दमदार अभिनयामुळे ‘आशिकी 2’ बॉक्स ऑफिसवर हिट ठरला होता. आजही या चित्रपटाची लोकप्रियता कमी झालेली नाही.

During an AMA one fans ask #ShraddhaKapoor to re-release the #aashiqui2 and here’s her response 📌
She also said about her leg injury that she will recover soon. pic.twitter.com/vKmmDxbTfI

— Vaibhav ✶ (@shraddhasfanboy) November 23, 2025

सध्या व्हायरल होत असलेला हा व्हिडिओ श्रद्धा कपूरच्या एका जुन्या ‘आस्क मी एनीथिंग’ सत्रातील आहे. या सत्रात एका चाहत्याने ‘आशिकी 2’ पुन्हा थिएटरमध्ये रिलीज करण्याबद्दल प्रश्न विचारला होता. त्यावर श्रद्धाने खूप उत्साहाने प्रतिक्रिया दिली होती.

ती म्हणाली होती, “मला वाटतं ही खूप छान आयडिया आहे. मी नक्कीच हा सल्ला प्रोड्यूसर्सना देईन, कारण मलाही हा चित्रपट पुन्हा मोठ्या पडद्यावर पाहायला आवडेल.” तिच्या या उत्तरामुळे चाहत्यांमध्ये पुन्हा एकदा उत्सुकता वाढली आहे.

या चर्चेला आणखी एक कारण म्हणजे ‘आशिकी 2’ सध्या कोणत्याही ओटीटी प्लॅटफॉर्मवर उपलब्ध नाही. त्यामुळे अनेक चाहत्यांना हा चित्रपट पुन्हा थिएटरमध्ये पाहण्याची इच्छा आहे. सोशल मीडियावर अनेकजण यासाठी मागणी करत आहेत.

मात्र, सध्या तरी चित्रपटाच्या निर्मात्यांकडून ‘आशिकी 2’च्या री-रिलीजबाबत कोणतीही अधिकृत घोषणा करण्यात आलेली नाही. त्यामुळे ही चर्चा फक्त चाहत्यांच्या अपेक्षांपुरतीच मर्यादित आहे.

तरीही, श्रद्धा कपूरचा हा जुना व्हिडिओ पुन्हा समोर आल्यानंतर चाहत्यांमध्ये नॉस्टॅल्जियाची लाट उसळली आहे. अनेकजण सोशल मीडियावर आपल्या आठवणी शेअर करत आहेत आणि हा चित्रपट पुन्हा मोठ्या पडद्यावर पाहण्याची इच्छा व्यक्त करत आहेत.

एकंदरीत, ‘आशिकी 2’ हा चित्रपट आजही प्रेक्षकांच्या मनात खास स्थान राखून आहे. भविष्यात हा चित्रपट पुन्हा थिएटरमध्ये येईल का, हे पाहणं उत्सुकतेचं ठरेल.