राजेंद्र वाघमारे नेवासा – महायुतीकडून शिर्डी लोकसभेसाठी खासदार सदाशिव लोखंडे की,बबनराव घोलप?आणि महाविकास आघाडीकडून उबाठा सेनेचे भाऊसाहेब वाकचौरे? की, कॉंग्रेसच्या उत्कर्षा रुपवते यांच्या पैकी कोणाला उमेदवारी मिळणार ? याची मोठी प्रचंड उत्सुकता मतदार संघात शिगेला पोहचली अाहे उबाठा सेनेने शिर्डीतून माजी खासदार भाऊसाहेब वाकचौरे यांची उमेदवारी जाहिर केली असली तरी महायुतीकडून ही जागा नक्की कोणाला ? याबाबत राजकिय तोडगा अद्याप स्पष्ट झालेला नसल्यामुळे ? ही जागा कॉंग्रेसच्या वाट्याला येण्याची अधिक शक्यता कॉंग्रेसच्या कार्यकर्त्यांना वाटत असून कॉंग्रेस नेत्या उत्कर्षा रुपवते यांना उमेदवारी मिळणार असल्याची जोरदार चर्चा कॉंग्रेसच्या गोटात आहे ? तर उबाठा सेनेने माजी खासदार वाकचौरे यांना उमेदवारी जाहिर केलेली आहे? त्यामुळे शिर्डी लोकसभा मतदार संघात कोणाच्या विरोधात कोण ? उभे राहणार आणि कोणाला उमेदवारी मिळणार ? याची मोठी प्रचंड राजकिय उत्सुकत्ता मतदार संघातून लागून राहिलेली आहे. हा मतदार संघ राखीव झाल्यापासून उबाठा सेनेकडून राज्याचे माजी मंञी बबनराव घोलप यांचे नांव शिर्डी लोकसभा मतदार संघातून उमेदवारीसाठी घेतले जात असतांना ऐनवेळी उबाठा सेनेने वाकचौरे यांना उमेदवारीची संधी दिली गेल्यामुळे माजी मंञी घोलप उबाठा सेनेवर प्रचंड ‘ना’राज होवून शिवसेना उपनेते पदाचा यापुर्वीच राजीनामा दिलेला असतांना आता दोन – चार दिवसांपुर्वी त्यांनी शिवसैनिक या पदाचाही राजीनामाही उद्धव ठाकरे यांच्याकडे सुपूर्त करुन राज्याचे मुख्यमंञी एकनाथ शिंदे यांची नुकतीच भेट घोलप यांनी घेतली असल्यामुळे शिर्डी मतदार संघातून त्यांच्या नावाची जोरदार चर्चाही मतदार संघातून सुरु झालेली अाहे. शिर्डी लोकसभा मतदार संघातून माजी खासदार भाऊसाहेब वाकचौरे यांनी सन २००९ मध्ये रिपाईचे राष्ट्रिय अध्यक्ष खासदार रामदास आठवले यांचा दारुण पराभव करत विजय मिळविलेला असतांना सन २०१४ मध्ये पुन्हा घरबसल्या निवडून येण्याचे राजकिय वातावरण वाकचौरेंना तयार झालेले असतांना त्यांनी अचानक निवडणुकीच्या तोंडावर भाजपाला सोडचिठ्ठी देत कॉंग्रेस पक्षात प्रवेश केला त्यामुळे वाकचौरेंनी शिवसेनेशी ऐनवेळी केलेली गद्दारी मतदारांच्या पचनी न पडल्यामुळे केवळ १७ दिवसात खासदार सदाशिव लोखंडे यांनी निवडणूक मैदानात उतरुन वाकचौरेंचा पराभव करुन विजय संपादन केलेला होता. सलग दुसऱ्यांदा लोखंडे हे या शिर्डी मतदार संघातून निवडून येत असतांना तिसऱ्यांदा हॅट्रिक करण्याच्या तयारीला ते लागलेले असतांनाच अचानक आता माजी मंञी बबनराव घोलप यांनी मुख्यमंञी एकनाथ शिंदे यांची भेट घेतल्यामुळे घोलप यांच्या नावाची जोरदार चर्चा मतदार संघात सुरु झालेली आहे अचानक पक्ष बदललेल्या वाकचौरेंना जनतेने शिर्डीतून धडा शिकविलेला होता आता शिंदे गटाच्या शिवसेनेने ऐनवेळी उमेदवार बदलला तर सर्वसामान्य मतदार पक्षाला धडा शिकविणार का? अशी जोरदार चर्चाही या राजकिय घडामोडीतून मतदार संघात जोरदारपणे सुरु झालेली आहे. खासदार सदाशिव लोखंडे यांचा शिर्डी लोकसभा मतदार संघात पहिल्या निवडणूकीत जनसंपर्क कमी असल्यामुळे दस्तुरखुद्द लोखंडे यांनी प्रचार काळात यावेळेस मला ‘दानाच्या’ रुपात मतदर करा पुढच्या वेळेस मी कामाच्या रुपात मतदान मागाला येईल अशी भावनिक साद घालून या मतदार संघात निळवंडेचा मोठा प्रश्न मार्गी लावलेला आहे. सलग दुसऱ्यांदा निवडून येणाऱ्या उमेदवाराला तिसऱ्यांदा थांबवून पुन्हा नवखा उमेदवार शिर्डी मतदार संघातून शिवसेनेने दिला तर पुन्हा धोका होण्याची अधिक शक्यता नाकारता येत नसल्याची चर्चाही मतदार संघातील कार्यकर्त्यांमधून सुरु झालेली आहे.
