मुंबई – बॉलिवूड अभिनेत्री शिल्पा शेट्टीचा पती बिझनेसमन राज कुंद्रा पोर्नोग्राफी प्रकरणामुळे चर्चेत आले होते. आता राज कुंद्राने अभिनय करण्याचे ठरवले आहे. शिल्पाचा पती आता अभिनयात नशीब आजमावताना दिसणार आहे. मिळालेल्या माहितीनुसार, राज कुंद्राच्या पॉर्नोग्राफी प्रकरणावर एक चित्रपट बनणार आहे. हा त्याचा बायोपिक असेल. या बायोपिकमध्ये राज मुख्य भूमिकेत दिसणार असल्याचे मानले जात आहे.

चित्रपटाच्या कथेत राज यांचा आर्थर रोड जेलचा अनुभवही दाखवण्यात येणार असल्याचा दावा केला जात आहे. त्याने तिथे  कसा वेळ घालवला, हे सर्व या चित्रपटातून लोकांपर्यंत पोहोचवण्याचा प्रयत्न केला जाणार आहे. निर्मात्यांना राज कुंद्राचे भारतातील सर्वात जास्त गर्दीच्या तुरुंगात, आर्थर रोड तुरुंगात त्याच्या  सर्वात वाईट अनुभव दाखवायचे आहेत. चित्रपट शेवटच्या टप्प्यावर असल्याचे मानले जात आहे.

चित्रपटात दाखवण्यात आलेला मुद्दा वादांनी घेरला आहे. या प्रकरणाने चांगलीच खळबळ उडाली होती. चित्रपटात त्याने तुरुंगात जे काही पाहिले आणि भोगले ते सर्व दाखवले जाईल. या चित्रपटाच्या दिग्दर्शकाच्या नावाचा खुलासा करण्यात आलेला नाही. त्याचबरोबर दिग्दर्शनापासून स्क्रिप्टिंगपर्यंत राज कुंद्रा या चित्रपटात पूर्णपणे सहभागी होणार आहेत. त्याला चित्रपटातील प्रत्येक गोष्ट त्याच्या नजरेतून जगासमोर मांडायची आहे.