Shilpa Shetty | सिनेइंडस्ट्रीतील अनेक कलाकार अभिनयाबरोबच उद्योग क्षेत्रातही आपल्या नावाचा दबदबा निर्माण करत एक वेगळी ओळख तयार करत आहेत. अभिनेत्री शिल्पा शेट्टी हे त्यातलच एक नाव. खरंतर शिल्पाने अनेकदा फिटनेसविषयीचा मंत्रा सांगितला दिसली. फिटनेस संबंधीच्या अनेक प्रोडक्टसच्या जाहिरात देखील तिने केल्या आहेत. यामधूनच तिला खूप मोठा आर्थिक फायदा झाला आहे. काही वर्षांपूर्वी ती एका लाइफ स्टाइल प्रोडक्टची ब्रँड अॅम्बेसेडर झाली. पण तिने फक्त या प्रोडक्टची जाहिरात केली नाही, तर या कंपनीत तिचा हिस्साही मागितला होता. त्या निर्णयामुळे आज शिल्पाला कोट्यावधी रुपयांचा नफा झाला आहे. त्यामुळे शिल्पा एक यशस्वी उद्योजिका बनली आहे. युनिकॅार्न कंपनीत काही वर्षांपूर्वी तिने गुंतवणूक केली होती. सध्या ही कंपनी मामाअर्थ या नावाने ओळखली जाते. या कंपनीत केलेल्या गुंतवणूकीमुळे शिल्पाला मोठा आर्थिक फायदा झाला आहे. ज्या वेळी तिने या कंपनीत गुंतवणूक केली होती, त्यावेळी ही कंपनी ३५ कोटींच्या घरात होती. आजच्या घडीला ही कंपनी १ बिलियन डॅालरपर्यंत पोहोचली आहे. याविषयीचा एक किस्सा शिल्पाने सांगितला आहे. या कंपनीचे संस्थापक वरूण आणि गझल अलाघ हे मला भेटले. त्यांना मी त्यांच्या कंपनीची ब्रँड अॅम्बेसेडर व्हावं असं वाटत होतं. पण तेव्हा त्यांना माझं मानधन परवडत नव्हतं. तेव्हा मला तुमच्या कंपनीत हिस्सा मागितला होता. ते माझ्याकडे त्यांच्या प्रोडक्टची कल्पना घेऊन आले होते, त्यात मॉस्किटो पॅचेस आणि बेबी शॅम्पू असे प्रोडक्ट होते. मला ते आवडले. तसंच माझा या दोघांवरही पूर्ण विश्वास होता, असे शिल्पाने सांगितले. तसेच मला जे प्रोडक्ट मनापासून आवडतात, मला ज्यांच्यावर विश्वास असतो अशाच लोकांसोबत मी काम करते. फक्त पैशांसाठी मी कोणत्याही प्रोडक्टची जाहिरात करत नाही, असे स्पष्टीकरणही तिने दिले. आठ वर्षांपूर्वी शिल्पाने या कंपनीत सहा कोटींची गुंतवणूक केली होती. कंपनीने आता मोठी झेप घेतल्याने शिल्पाने गुंतवणूक केलेल्या सहा कोटींचे ४५ कोटींच्याहून अधिक रक्कमेचा फायदा तिला झाला आहे.
