Sheikh Hasina : बांगलादेशात पंतप्रधान तारिक रहमान यांच्या सरकारकडून राजकीय विरोधकांच्या दडपशाहीसाठी सामूहिक अटक आणि छाप्यांचे सत्र सुरू असल्याचा आरोप माजी पंतप्रधान शेख हसीना (Sheikh Hasina) यांनी केला आहे.

आज बांगलादेशमध्ये सामूहिक अटक सत्र, सामूहिक छापे, छळ, बनावट खटले, न्याय्यबाह्य कहत्या आणि मानवी हक्कांचे उल्लंघन केले जात आहे. तेथे न्याय नाही, प्रकाश नाही आणि सार्लजनिक सुरक्षाही नाही, असे शेख हसीना (Sheikh Hasina) यांनी बांगलादेश आवामी लीगच्या सोशल मीडिया अकाऊंटवर केलेल्या पोस्टमध्ये म्हटले आहे.

कायद्याची अंमलबजावणी करणाऱ्या एजन्सींकडून गोपालगंजसह देशाच्या विविध भागांमध्ये व्यापक छापे घातले जात असून शोधमोहिम राबवली जाते आहे. दररोज ५ ते ७ हजार लोकांना अटक केली जाते आहे. बांगलादेशच्या जनतेला त्यांचे न्याय्य हक्क आणि कायदेशीर संरक्षण मिळण्याची हमी हवी आहे, असेही हीना यांनी म्हटले आहे.

निवडणुकीतील गैरव्यवहाराने बीएनपीचे सरकार सत्तेवर आले आहे. देशात गॅस, वीज, इंधन आणि खतांचा तुटवडा आहे. याशिवाय जीवनावश्‍यक वस्तूंच्या किंमती भडकल्या आहेत. बेरोजगारी वाढली आहे. कापड गिरण्या आणि फॅक्टऱ्या बंद पडत आहेत.

गुंतवणूक कमी झाल्याचा दावाही त्यांनी केला.विद्यार्थ्यांच्या हिंसक आंदोलनानंतर शेख हसीना (Sheikh Hasina) याचे सरकार ऑगस्ट २०२४ मध्ये कोसळले आणि त्यांना भारतात आश्रय घ्यावा लागला. तेंव्हापासून त्या भारतातच रहात आहेत.