प्रभात वृत्तसेवा
पाचगणी – आगामी निवडणुकीत महाबळेश्वरचा नगराध्यक्ष महाविकास आघाडीचाच असणार आहे, असा विश्वास राष्ट्रवादी कॅाग्रेस शदर पवार पक्षाचे प्रदेशाध्यक्ष शशिकांत शिंदे यांनी महाबळेश्वर येथे महाविकास आघाडीच्या बैठकीत व्यक्त केला. या निवडणुकीत नवीन चेहरे देणार असल्याचे सुतोवाच यावेळी शिंदे यांनी केले.आव्हान आहे,. परंतु, जनशक्तीला केंद्रबिंदू मानुन काम करा विजयाचा गुलाल आपलाच असणार आहे असा विश्वास व्यक्त करुन विधानसभेच्या निवडणुकीत महाविकास आघाडीच्या उमेदवाराला विद्यमान आमदारांपेक्षा महाबळेश्वर शहराने मताधिक्य जास्त दिल्यामुळे राष्ट्रवादी काँग्रेसच्या धर्मनिरपेक्ष विचारधारेबरोबर महाबळेश्वर शहर असल्याचे त्यांनी स्पष्ट केले.

शहराच्या राजकीय विचारांचा वारसा शरद पवारांवर प्रेम करणारा आहे. शहरात मुलभूत सुविधांची वाणवा असून महायुतीकडुन नेहमी घोषणांचा पाऊस करत विद्यमान लोकप्रतिनिधी व महायुती सरकारने नागरिकांची दिशाभूल केली असल्याची टीका त्यांनी केली. जागतिक पर्यटनस्थळावर नागरी सुविधांचा अभाव असताना कित्येक वर्षापासून शहर बकाल राहिले आहे. याचे प्रमुख कारण राजकीय उदासीनता आहे असून सुज्ञ जनता आता परिवर्तन केल्याशिवाय राहणार नाही, असे मत त्यांनी व्यक्त केले.

शहरातील विकास करण्याकरीता सर्व कार्यकर्त्यांनी एकदिलाने परिवर्तन घडवण्याचा ध्यास उराशी बाळगावा, शर्थीचे प्रयत्न करत सत्ता खेचून आणावी, असा विश्वास यावेळी शिवसेनेचे माजी जिल्हाप्रमुख राजेंद्र कुभारदरे यांनी यावेळी व्यक्त केला. शहरातील बाजारपेठेतील रस्त्याने जाताना शशिंकात शिंदे आगे बढो हम आपके साथ है, अशा घोषणा दिल्या जात होत्या. फटाक्यांच्या आतषबाजीने परिसरा उजळून जात दणाणून गेला. या बैठकीस ऋषिकेश वायदंडे, यशवंत घाडगे, अमित जाधव, आषिश चोरगे, किसन भिलारे यांच्यासह शहरातील तरुण कार्यकर्ते उपस्थित होते. डॅा. नितीन सावंत यांनी सूत्रसंचालन केले. राष्ट्रवादी कॅाग्रेस पक्षाचे तालुकाध्यक्ष सुभाष कांरडे यांनी आभार मानले.

मंत्री मकरंद पाटील यांच्या शिंदे बरसले..
महाबळेश्वर शहराच्या विकासाच्या गप्पा मारणारे तालुक्याचे लोकप्रतिनीधी यांनी महाबळेश्वर शहराच्या स्थानिक स्वराज्य संस्था नगरपालीकेच्या सुसज्ज इमारतीचा प्रश्न मार्गी लावण्यात ज्याना अपयश आले आहे असे लोकप्रतिनीधी महाबळेश्वर शहराचा शाश्वत विकास काय करणार असा प्रश्न उपस्थित करुन नगरपालीका निवडणुकीला महाविकास आघाडी तगड आव्हान उभे करणार असल्याच आव्हान मंत्री मकरंद पाटील यांना देणार असल्याचे स्पष्ट केल.