Sharjah Open Challengers title 2024 : भारताची 18 वर्षीय आंतरराष्ट्रीय बुद्धिबळपटू दिव्या देशमुखने अखेर शारजाह चॅलेंजरचे विजेतेपद पटकावून आपल्या क्रीडा कारकिर्दीत आणखी एक यश संपादन केले आहे. (Nagpur’s chess queen Divya Deshmukh wins Sharjah Open Challengers title) दिव्या या स्पर्धेत अपराजित राहिली आणि तिने एकूण 2584 असे रेटिंग मिळवले . दिव्याने तिच्या अंतिम फेरीच्या सामन्यात फिडे (FIDE) च्या झेंड्याखाली खेळत असलेल्या लेया गारिफुलिना सोबत ड्रॉ खेळला आणि तीन खेळाडूंमध्ये 7 गुणांसह चांगल्या टायब्रेकच्या आधारे विजेतेपद पटकावले.

भारताची 19 वर्षीय महिला बुद्धिबळपटू आणि आंतरराष्ट्रीय ग्रँडमास्टर दिव्या देशमुख हिने सातव्या शारजाह मास्टर्स बुद्धिबळ स्पर्धेचे चॅलेंजर श्रेणीचे विजेतेपद पटकावले आहे. दिव्या संपूर्ण स्पर्धेत अपराजित राहिली आणि तिने 5 विजय आणि 4 ड्रॉसह 7 गुण मिळवून सर्वोत्तम टायब्रेकच्या जोरावर  विजेतेपद पटकावले.

स्पर्धेतील अखेरच्या फेरीनंतर रशियाची लिया गारिफुलिना आणि इराणचा सिना मोव्हाहेद यांचेही 7 गुण होते. पण सर्वोत्तम टायब्रेकच्या जोरावर अनुक्रमे ते दुसऱ्या आणि तिसऱ्या स्थानावर राहिले.

अंतिम फेरीत सफेद मोहऱ्यांनी खेळताना दिव्या ही गॅरीफुलिना विरुद्ध कॅटलान ओपनिंगमध्ये एकेकाळी चांगल्या स्थितीत होती परंतु शेवटच्या क्षणी दिव्याला 50 चालींमध्ये गेम ड्रॉ करता आला.

विजयानंतर माध्यमांशी बोलताना दिव्याने सांगितले की, “आगामी बुद्धिबळ ऑलिम्पियाडमध्ये देशाचे प्रतिनिधित्व करण्यासाठी ती खूप उत्साहित असून ती सर्वोत्तम कामगिरी करण्याचा प्रयत्न करेल.”