Stock Market Today: भारतीय शेअर बाजारांनी मंगळवारी सुरुवातीच्या घसरणीनंतर जोरदार पुनरागमन करत सलग चौथ्या दिवशी तेजी नोंदवली. आयटी क्षेत्रातील जोरदार खरेदी आणि खालच्या स्तरावर झालेल्या ‘व्हॅल्यू बायिंग’मुळे बाजाराला आधार मिळाला. दिवसभराच्या शेवटी सेन्सेक्स 509.73 अंकांनी (0.69%) वाढून 74,616.58 वर बंद झाला. तर निफ्टी 155.40 अंकांनी (0.68%) वाढून 23,123.65 या स्तरावर स्थिरावला. सकाळच्या सत्रात पश्चिम आशियातील वाढत्या तणावामुळे आणि अमेरिकेचे राष्ट्राध्यक्ष डोनाल्ड ट्रम्प यांनी इराणला दिलेल्या इशाऱ्यामुळे गुंतवणूकदारांमध्ये सावधगिरी होती. मात्र, नंतर आयटी शेअर्समध्ये खरेदी वाढल्याने बाजाराने गती पकडली. Stock Market Today हेही वाचा – Opinion Polls 2026: आसामध्ये BJP आघाडीवर, बंगालमध्ये चुरशीची लढत; केरळ-तमिळनाडूत रंजक चित्र आजच्या व्यवहारात आयटी, मेटल आणि रिअल्टी क्षेत्रातील शेअर्समध्ये सर्वाधिक तेजी दिसून आली. दुसरीकडे, बँकिंग, फायनान्शियल्स, ऑटो आणि ग्राहक वस्तू क्षेत्रातील शेअर्समध्ये 0.7% ते 1.5% पर्यंत घसरण झाली. दरम्यान, गुंतवणूकदारांचे लक्ष आता 8 एप्रिल रोजी जाहीर होणाऱ्या भारतीय रिझर्व्ह बँकेच्या (RBI) मॉनेटरी पॉलिसी कमिटीच्या बैठकीच्या निकालाकडे लागले आहे. गुंतवणूकदारांच्या संपत्तीत सुमारे ₹1.72 लाख कोटींची भर – Stock Market Today बीएसईवरील सूचीबद्ध कंपन्यांचे एकूण बाजार भांडवल 427.51 लाख कोटी रुपयांवरून वाढून 429.23 लाख कोटी रुपयांवर पोहोचले. त्यामुळे गुंतवणूकदारांच्या संपत्तीत सुमारे ₹1.72 लाख कोटींची भर पडली. सेन्सेक्समधील 30 पैकी 19 शेअर्स वाढीसह बंद झाले. यामध्ये टीसीएसमध्ये 2.68% वाढ झाली. त्यानंतर एचसीएल टेक, इन्फोसिस, भारती एअरटेल आणि सन फार्मा या शेअर्समध्ये 1.67% ते 2.67% दरम्यान वाढ नोंदवली गेली. उर्वरित 11 शेअर्स घसरणीसह बंद झाले. यात इंडिगोचा शेअर 0.87% घसरून सर्वात मोठा तोट्यात राहिला. तसेच अदाणी पोर्ट्स, महिंद्रा अँड महिंद्रा, टायटन आणि ट्रेंट या शेअर्समध्ये 0.27% ते 0.52% पर्यंत घसरण झाली. बीएसईवर आज एकूण 4,381 शेअर्समध्ये व्यवहार झाला. त्यापैकी 2,668 शेअर्स वाढीसह, 1,560 शेअर्स घसरणीसह तर 153 शेअर्स स्थिर बंद झाले. याशिवाय, 70 शेअर्सनी 52 आठवड्यांचा उच्चांक गाठला, तर 45 शेअर्सनी 52 आठवड्यांचा नीचांक नोंदवला. Stock Market Today
