Shahrukh Khan | बॉलिवूड अभिनेता शाहरुख खान सध्या त्याच्या ‘किंग’ चित्रपटामुळे चर्चेत आहे. या सिनेमात त्याची मुलगी सुहाना खानही दिसणार आहे. पहिल्यांदाच वडील आणि लेकीची जोडी एकत्र चित्रपटात काम करताना दिसणार असल्याने चाहते देखील या चित्रपटासाठी उत्सुक आहे. मात्र काही दिवसांपूर्वीच शूट करताना शाहरुख खान जखमी झाल्याची बातमी आली होती. ‘किंग’च्या सेटवर शाहरुख खानला दुखापत झाल्याने चित्रीकरण थांबवण्यात आले होते. यानंतर आता या चित्रपटाबाबत आणखी एक माहिती समोर आली आहे. या चित्रपटाची रिलीज डेट पुढे ढकलण्यात आल्याचे म्हंटले जात आहे. शाहरुख खानच्या दुखापतीमुळे चित्रीकरणाचे वेळापत्रक पूर्णपणे बदलले आहे. निर्मितीशी संबंधित एका सूत्राने मिड-डेला सांगितले, किंगच्या टीमने चित्रीकरणाला तात्पुरता ब्रेक दिला आहे. शाहरुखला पुन्हा कॅमेऱ्यासमोर येण्यासाठी काही आठवड्यांचा आराम आवश्यक आहे. Shahrukh Khan | शाहरुखच्या खांद्याला दुखापत नुकतंच शाहरुखला राष्ट्रीय पुरस्कार जाहीर झाला. यानिमित्त त्याने आभार मानणारा व्हिडिओ शेअर केला होता. त्यात त्याच्या खांद्याला दुखापत झाल्याचं दिसलं. यामुळेच किंग सिनेमाचं शूट संपायला काहीसा उशीर होईल असा दावा केला जात आहे. सुरुवातीला ‘किंग’ गांधी जयंती 2026 ला रिलीज होणार होता, पण आता ते शक्य नसल्याने चित्रपटाची रिलीज डेट 2027 च्या सुरुवातीला पुढे ढकलण्यात येत आहे. मात्र यावर कोणतीही अधिकृत माहिती देण्यात आलेली नाही. Shahrukh Khan | हेही वाचा : Independence Day 2025: तिरंग्याचा सन्मान राखा; ध्वजारोहण आणि उतरवण्याचे नियम जाणून घ्या
