Bichoo Deewana movie sequel : १९९२ मध्ये शाहरुख खान आणि ऋषी कपूर यांची मुख्य भूमिका असलेला ‘दीवाना’ हा चित्रपट प्रदर्शित झाला होता. या चित्रपटाच्या माध्यमातून शाहरुखने बॅालीवूडमध्ये पदार्पण केलं. त्याच्या पहिल्याच चित्रपटाला प्रेक्षकांनी भरभरून प्रतिसाद दिला. आता या चित्रपटाचा सिक्वल येणार असल्याचे बातमी समोर आली आहे.

दीवाना २ या नावाने हा चित्रपट प्रेक्षकांच्या भेटीला येणार असून चित्रपटावर काम देखील करण्यात आल्याचे दीवाना चित्रपटाच्या निर्मात्यांनी स्पष्ट केलं आहे. यासोबतच अभिनेता बॅाबी देओल आणि राणी मुखर्जी यांची मुख्य भूमिका असलेला चित्रपट बिच्छू चित्रपटाच्या सिक्वलवर देखील काम करण्यात येणार असल्याची माहिती निर्माते गुड्डू धनोआ यांनी एका वाहिनीशी बोलताना दिली.

या दोन्ही चित्रपटांच्या सिक्वलची अधिकृत घोषणा निर्माते गुड्डू धनोआ यांनी केली आहे. न्यूज १८ या टीव्ही वाहिनीशी बोलताना गड्डू धनोआ म्हणाले, हो, दीवाना २ बनवला जात आहे. आम्ही सध्या पटकथेच्या टप्प्यात आहोत. याआधी वेब सिरीज प्रदर्शित केली जाणार आहे. यानंतर तो ‘दीवाना २’ ची निर्मिती सुरू करणार असल्याचे त्यांनी सांगितले.

या सिक्वलमध्ये कलाकारांची नावे फायनल झाली नसल्याचे देखील त्यांनी सांगितले. तसेच बिच्छू चित्रपटाच्या सिक्वलवरही काम केलं जात आहे. या चित्रपटात अभिनेता बॅाबी देओल आणि राणी मुखर्जी यांनी अभिनय केला होता. २००० साली प्रदर्शित झालेल्या या चित्रपटाने प्रेक्षकांच्या पसंतीची पोचपावती मिळवली होती.