Shah Rukh Khan wins National Award : ७१ व्या राष्ट्रीय चित्रपट पुरस्कारांची घोषणा १ ऑगस्ट रोजी करण्यात आली. या पारितोषिकांमध्ये बॉलिवूडचा किंग खान शाहरुख खानने मोठी बाजी मारली आहे. त्याला 2023 मध्ये प्रदर्शित झालेल्या ‘जवान’ चित्रपटातील दमदार अभिनयासाठी सर्वोत्कृष्ट अभिनेता म्हणून गौरविण्यात आले आहे.

या अभिमानास्पद क्षणानंतर शाहरुख खानने आपल्या भावना व्यक्त करणारा एक खास व्हिडिओ सोशल मीडियावर शेअर केला आहे. या व्हिडिओमध्ये तो आपल्या चाहत्यांचे, चित्रपटाच्या टीमचे आणि कुटुंबाचे आभार मानताना दिसतो. शाहरुख म्हणतो, “‘जवान’ हा माझ्यासाठी केवळ एक चित्रपट नव्हता, ती एक भावना होती. हे पारितोषिक मी माझ्या सर्व चाहत्यांना समर्पित करतो.”

‘जवान’ चित्रपटाने बॉक्स ऑफिसवरही विक्रमी कमाई केली होती. अ‍ॅक्शन, थरार आणि सामाजिक संदेश यांचा उत्तम मेळ घालणाऱ्या या चित्रपटातील शाहरुखची भूमिका प्रेक्षकांच्या आणि समीक्षकांच्या मनात घर करून गेली होती.

 

View this post on Instagram

 

A post shared by Shah Rukh Khan (@iamsrk)

शाहरुख खानला मिळालेल्या या पुरस्कारामुळे संपूर्ण बॉलिवूडमध्ये आनंदाचं वातावरण आहे. अनेक कलाकार, निर्माते आणि चाहते त्याचे अभिनंदन करत आहेत.

राष्ट्रीय पुरस्कारासारख्या मान्यतेमुळे शाहरुख खानचा अभिनय प्रवास आणखी प्रेरणादायी ठरतो आहे.