Cyclone Alert : बंगालच्या उपसागरात शुक्रवारी सकाळी बंगालच्या उपसागरावर एक कमी दाबाचे क्षेत्र तयार झाले आहे. भारतीय हवामान खात्याच्या (आयएमडी) अंदाजानुसार, हे क्षेत्र अधिक तीव्र होऊन २४ ऑक्टोबर रोजी डिप्रेशनमध्ये रूपांतरित होण्याची दाट शक्यता आहे. (Cyclone Alert)

त्यानंतर ते पश्चिम-वायव्य दिशेने सरकून २५ ऑक्टोबर रोजी डीप डिप्रेशनमध्ये आणि २६ ऑक्टोबरच्या सकाळ पर्यंत पश्चिम-मध्य बंगालच्या उपसागरावर तीव्र चक्रीवादळात बदलू शकते. (Cyclone Alert)

हे हवामान प्रणाली आणखी तीव्र होऊन त्यानंतरच्या दोन दिवसांत उत्तर आंध्र प्रदेश आणि दक्षिण ओडिशासा किनारपट्टीच्या दिशेने सरकेल, अशी माहिती हवामान विभागाने दिली आहे. (Cyclone Alert)

या संभाव्य वादळाच्या पार्श्वभूमीवर ओडिशासा सरकारने आधीच तयारी सुरू केली असून, महसूल आणि आपत्ती व्यवस्थापन मंत्री सुरेश पुजारी यांनी सांगितले की, ओडिशासा-आंध्र प्रदेश किनारपट्टीवर धडकणाऱ्या या हवामान प्रणालीचा सामना करण्यासाठी राज्य सरकारने तयारी सुरू केली आहे. (Cyclone Alert)

आंध्र प्रदेश,ओडिशात वादळी वाऱ्याची शक्यता

या हवामान प्रणालीच्या प्रभावामुळे २३ ते २५ ऑक्टोबर दरम्यानंदमान बेटे, किनारपट्टीवरील ओडिशासा आणि आंध्र प्रदेश तसेच गंगेच्या खोऱ्यातील पश्चिम बंगालच्या काही भागात हलक्या ते मध्यम पावसासह वादळी वाऱ्याची शक्यता वर्तवण्यात आली आहे. (Cyclone Alert)

तसेच २७ ऑक्टोबर रोजी आंध्र प्रदेश आणि ओडिशासा किनारपट्टीवर ताशी ६० किलोमीटर वेगाने वारे वाहण्याची शक्यता असून त्यानंतर वाऱ्यांचा वेग हळूहळू वाढेल, असे हवामान विभागाकडून सांगण्यात आले आहे. समुद्रात गेलेल्या मासेमारी करणाऱ्यांना २४ ऑक्टोबरच्या सकाळ पर्यंत किनाऱ्यावर परतण्याचा सल्ला देण्यात आला आहे. (Cyclone Alert)

Maharashtra Cyclone Alert : राज्यावर दुहेरी चक्रीवादळाचे संकट! पुढील काही तास धोक्याचे, IMD चा गंभीर इशारा