IAS Transferred : मुख्यमंत्री देवेंद्र फडणवीस यांच्या नेतृत्वाखाली राज्यात प्रशासकीय फेरबदलांचा वेग कायम असून, मंत्रिमंडळ बैठकीच्या दिवशीच आणखी एका वरिष्ठ आयएएस अधिकाऱ्याची बदली करण्यात आली आहे. (IAS Transferred)

मुंबई महानगरपालिकेच्या (BMC) अतिरिक्त महानगर आयुक्तपदी कार्यरत असलेल्या डॉ. अश्विनी जोशी यांची तडकाफडकी बदली करण्यात आली असून, त्यांची नियुक्ती आता मुंबई महानगर प्रदेश विकास प्राधिकरण (MMRDA) येथे अतिरिक्त महानगर आयुक्त म्हणून करण्यात आली आहे. (IAS Transferred)

त्यांना तातडीने नवीन पदाचा कार्यभार स्वीकारण्याच्या सूचना देण्यात आल्या आहेत. मुख्यमंत्री झाल्यापासून देवेंद्र फडणवीस सरकारकडून सातत्याने सनदी अधिकाऱ्यांच्या बदल्या केल्या जात असून, जवळपास प्रत्येक आठवड्याला विविध विभागांमध्ये खांदेपालट होत आहे. याच पार्श्वभूमीवर झालेली अश्विनी जोशी यांची बदली प्रशासनात चर्चेचा विषय ठरली आहे. (IAS Transferred)

प्राजक्ता वर्मा यांच्याकडे BMCची जबाबदारी

अश्विनी जोशी यांच्या बदलीनंतर मुंबई महापालिकेतील अतिरिक्त महानगर आयुक्तपदाची जबाबदारी प्राजक्ता वर्मा (IAS) यांच्याकडे सोपवण्यात आली आहे. राज्यातील प्रशासन अधिक गतिमान आणि कार्यक्षम करण्याच्या उद्देशाने हे फेरबदल करण्यात आल्याचे सांगितले जात आहे. आगामी काळात आणखी काही वरिष्ठ अधिकाऱ्यांच्या बदल्यांची शक्यताही व्यक्त केली जात आहे. (IAS Transferred)

कोण आहेत डॉ. अश्विनी जोशी?

डॉ. अश्विनी जोशी या 2006 बॅचच्या आयएएस अधिकारी आहेत. त्यांनी मुंबईतील शासकीय दंत महाविद्यालयातून बी.डी.एस. पदवी प्राप्त केली आहे. आपल्या जवळपास 20 वर्षांच्या प्रशासकीय कारकिर्दीत त्यांनी नागपूर येथे सहाय्यक जिल्हाधिकारी, अकोला व सिंधुदुर्ग जिल्हा परिषदांच्या मुख्य कार्यकारी अधिकारी, मुंबई उपनगरच्या अतिरिक्त जिल्हाधिकारी, ठाणे व मुंबईच्या जिल्हाधिकारी, नागरी पुरवठा विभागाच्या संचालक, राज्य उत्पादन शुल्क आयुक्त, तसेच असंघटित कामगार विकास आयुक्त अशा अनेक महत्त्वाच्या पदांवर काम केले आहे. (IAS Transferred)

त्यांच्या प्रशासकीय अनुभवामुळे राज्य शासनातील विविध महत्त्वाच्या विभागांमध्ये त्यांनी प्रभावी कामगिरी बजावली असून, आता MMRDA मधील नव्या जबाबदारीकडे सर्वांचे लक्ष लागले आहे. (IAS Transferred)