नवी दिल्ली – ताजमहालच्या 22 बंद खोल्यांची एएसआय (भारतीय पुरातत्व सर्वेक्षण) मार्फत चौकशी व्हावी यासाठी अलाहाबाद उच्च न्यायालयाच्या लखनौ खंडपीठासमोर याचिका दाखल करण्यात आली आहे. याचिकेत ताजमहालमधील बंद असलेल्या २२ खोल्यांची चौकशी करण्याचे निर्देश एएसआयला देण्याची मागणी करण्यात आली आहे.

ताजमहालच्या इतिहासाशी निगडीत वाद सहज मिटवता येईल हा त्याचा उद्देश आहे. अयोध्येतील भाजपच्या मीडिया प्रभारींनी ही याचिका दाखल केली आहे. मिळालेल्या माहितीनुसार, ताजमहालची चार मजली इमारत संगमरवराने बनलेली आहे. मध्यभागी दोन मजले आहेत. यामध्ये 12-15 प्रशस्त खोल्या आहेत.

मध्यभागी असलेले दोन मजले मागील बाजूच्या नदीकाठाकडे जातात. नदीच्या काठावर असलेल्या संगमरवराच्या खाली लाल दगडांच्या 22 खोल्या आहेत. त्यांच्या खिडक्या बुजवण्यात आल्या आहेत. तसेच एएसआयने त्याला कुलूप लावले आहे. या 22 खोल्यांमध्ये हिंदू देवतांशी संबंधित पुरावे असल्याचा संशय आहे. या खोल्यांमध्ये हिंदू देवतांशी संबंधित पुरावे असल्याचा संशय दूर करण्यासाठी ही याचिका दाखल करण्यात आली आहे.

या याचिकेत तथ्य शोध समिती स्थापन करण्याची आणि भारतीय पुरातत्व सर्वेक्षण (ASI) कडून अहवाल सादर करण्याची मागणी करण्यात आली आहे. हिंदू देवतांच्या मूर्ती बंद दरवाजाआड ठेवण्यात आल्याचे याचिकेत म्हटले आहे. या याचिकेत काही इतिहासकार आणि काही हिंदू गटांनी बंद खोल्यांमध्ये शिवमंदिर होते, असा दावाही केला आहे.