स्थानिक गुन्हे शाखेची उंब्रज येथे कारवाई
40 हजार रुपयांचा मुद्देमाल जप्त
सातारा – कराड तालुक्‍यातील उंब्रज येथे मसूर फाट्यावर देशी बनावटीचा कट्टा व जिवंत काडतुसांच्या विक्रीसाठी आलेल्या सुदर्शन किरण पाटील (वय 19, रा. आटके, ता. कराड) आणि मिथिलेश मारुती महिंदकर (वय 19, रा. मलकापूर, ता. कराड) यांना स्थानिक गुन्हे शाखेच्या पथकाने अटक केली आहे. त्यांच्याकडून 40 हजार 300 रुपयांचा मुद्देमाल जप्त करण्यात आला आहे.

याबाबत पोलिसांनी दिलेली माहिती अशी, उंब्रज येथे मसूर फाट्यावर दोन जण गावठी कट्टा विकायला येणार असल्याची माहिती स्थानिक गुन्हे शाखेचे पोलीस निरीक्षक अरुण देवकर यांना मिळाली. त्यांच्या सूचनेनुसार पोलीस पथकाने काल (दि. 18) मसूर फाटा येथे सापळा लावून दोन युवकांना ताब्यात घेतले. त्यांची अंगझडती घेतली असता, एक गावठी कट्टा आणि एक जिवंत काडतूस त्यांच्याकडे सापडले. त्यानंतर पोलिसांनी दोघांना अटक केली.

सहाय्यक पोलीस निरीक्षक सुधीर पाटील, रवींद्र भोरे, पोलीस उपनिरीक्षक पतंग पाटील, विश्‍वास शिंगाडे, अमित पाटील, पोलीस अंमलदार सुधीर बनकर, आतिश घाडगे, संतोष सपकाळ, विजय कांबळे, संजय शिर्के, लैलेश फडतरे, शरद बेबले, लक्ष्मण जगधने, प्रवीण फडतरे, सचिन साळुंखे, सनी आवटे, अरुण पाटील, प्रमोद सावंत, अमित सपकाळ, अविनाश चव्हाण, अमित माने, स्वप्निल कुंभार, मोहन पवार, गणेश कापरे, ओंकार यादव, विक्रम पिसाळ, विशाल पवार, प्रवीण पवार, रोहित निकम,

पृथ्वीराज जाधव, सचिन ससाणे, केतन शिंदे, वैभव सावंत, संकेत निकम, शिवाजी गुरव, पंकज बेसके, सायबर विभागाचे अजय जाधव, अमित झेंडे यांनी ही कारवाई केली. दरम्यान, गेल्या वर्षी नोव्हेंबरपासून सातारा पोलीस दलाने केलेल्या कारवायांमध्ये देशी बनावटीची 64 पिस्तुले, 168 काडतुसे आणि 377 रिकाम्या पुंगळ्या जप्त केल्या आहेत.