कोयनानगर : पाटण विधानसभा मतदारसंघातील सर्वसामान्य जनतेच्या अडचणी समस्या जागेवर सोडविण्यासाठी राज्याचे पर्यटनमंत्री तथा जिल्ह्याचे पालकमंत्री शंभूराज देसाई यांच्या अध्यक्षतेखाली शनिवार दि. १ फेब्रुवारी रोजी दौलतनगर मरळीच्या (ता. पाटण) शिव-विजय सभागृहात जनता दरबाराचे आयोजन केले आहे.

पाटण विधानसभा मतदारसंघाचे लोकप्रतिनिधी झाल्यापासून २००४ पासून पाटण मतदारसंघातील जनतेच्या तालूका व जिल्हास्तरावरील असणाऱ्या प्रलंबित समस्या व विकासकामासंदर्भातील अडीअडचणी सोडविण्यासाठी जनता दरबाराची संकल्पना पालकमंत्री शंभूराज देसाई यांच्या माध्यमातून राबविली जाते.

यामध्ये जनतेच्या अडीअडचणींचा निपटारा जागेवरच संबंधित शासकीय अधिकाऱ्यांसमोर होत असल्याने या जनता दरबाराला पाटण तालुक्यातून उत्स्फूर्त प्रतिसाद मिळतो. महायुती सरकारमध्ये पर्यटनमंत्री झाल्यावर उद्या आयोजित जनता दरबारास जिल्हास्तरीय सर्व यंत्रणांना निमंत्रित करण्यात आले आहे.

या जनता दरबारास जिल्हास्तरीय अधिकाऱ्यांसह कराड व पाटण तालुक्यातील सर्व खातेप्रमुखांना निमंत्रित केले आहे. मतदारसंघातील जनतेने आपल्या समस्याची लेखी निवेदने घेऊन मोठ्या संख्येने उपस्थित राहवे. असे आवाहन करण्यात आले आहे.