कोयनानगर :  निसर्गरम्य कोयना परिसराला पर्यटनाचे हब बनवण्यासाठी राज्य शासनाकडून मोठे प्रयत्न सुरू आहेत. पाटण तालुक्याचे लोकप्रतिनिधी आणि राज्याचे पर्यटनमंत्री शंभूराज देसाई यांच्या संकल्पनेतून कोयनानगर येथे दोन मोठे बहुउद्देशीय प्रकल्प उभारले जाण्याचे प्रस्तावित आहॆ. त्यांचे हे दोन्ही ड्रीम प्रोजेक्ट आहेत. पर्यटनवाढीसाठी माईलस्टोन ठरणाऱ्या या प्रकल्पाच्या उभारणीनंतर कोयना पर्यटन अल्पावधीतच जागतिक पर्यटन क्षेत्राच्या क्रमवारीत नंबर वन येईल असा विश्वास आहे. येथील नेहरू उद्यानात वृंदावन गार्डन उभारले जाणार आहे.

निसर्गाने मुक्त हस्ताने उधळण केलेला निसर्गरम्य असणाऱ्या कोयना पर्यटन क्षेत्र अल्पावधीतच थंड हवेचे माहेरघर नावारूपाला आले आहॆ. पर्यटकांना ओझर्डे धबधबा अधिक जवळून अनुभवता यावा यासाठी येथे स्काय-वॉक प्रकल्प उभारला जाणार आहे. पर्यटन विभागाच्या माध्यमातून राबविण्यात येणाऱ्या या बहुउद्देशीय प्रकल्पामुळे कोयना परिसराचा निसर्गसौंदर्याचा जागतिक स्तरावर विस्तार होण्याचा मानस मंत्री शंभूराज देसाई यांनी व्यक्त केला आहे.

निसर्गाने मुक्त हस्ताने उधळण केलेला पर्यटकांचे आवडते डेस्टिनेशन असणाऱ्या कोयना या नयनरम्य परीसरात पर्यटक मंत्रमुग्ध होतो. कोयना धरण, जलविद्युत प्रकल्प, सह्याद्री व्याघ्रप्रकल्प, नेहरू उद्यान, आणि सुर्यास्त-सुर्योदयाचे मनमोहक दृश्य ही ठिकाणे आधीच प्रसिद्ध आहेत. आता जलपर्यटन आणि वनपर्यटनाच्या जोडीनं हा निसर्ग पर्यटनाचा अनुभव अधिक समृद्ध होईल.कोयना परिसराचा पर्यटन हब म्हणून विकास हा महाराष्ट्राच्या पर्यटनासाठी मोठा टप्पा ठरणार आहे. वृंदावन गार्डन आणि स्काय-वॉकसारखे प्रकल्प पर्यटकांसाठी नवनवीन अनुभव देतील आणि स्थानिक अर्थव्यवस्थेलाही चालना मिळेल. या संकल्पनेतून पर्यटनमंत्री शंभूराज देसाई यांनी या मेगा प्रकल्पाची संकल्पना मांडली आहॆ.

हे प्रकल्प यशस्वी झाल्यास कोयना जागतिक पर्यटनाच्या नकाशावर आणखी उजळून निघेल. साहसी आणि निसर्गप्रेमी पर्यटकांसाठी हा परिसर स्वर्गासारखा ठरेल. यामुळे स्थानिक रोजगार आणि व्यवसायालाही मोठी चालना मिळणार आहॆ. यामुळे कोयनानगर हे अल्पावधीतच पर्यटनाचे हब होणार आहॆ.

स्काय-वॉक प्रकल्प : ओझर्डे धबधब्यावर प्रस्तावित स्काय-वॉक हा एक रोमांचक अनुभव ठरेल. धबधब्याच्या वरून चालत जाण्याची संधी पर्यटकांसाठी थरारक ठरेल आणि त्यांना निसर्ग अधिक जवळून अनुभवता येईल.

वृंदावन गार्डन : नेहरू उद्यानात उभारण्यात येणाऱ्या या गार्डनमुळे कोयनानगरचे सौंदर्य अधिक खुलून दिसेल. यामुळे संपूर्ण कुटुंबासाठी आकर्षण निर्माण होईल आणि निसर्गाच्या सान्निध्यात वेळ घालवण्याची संधी मिळेल.