Sarpanch Arrested : ठाणे जिल्ह्यात एका तलावाच्या संवर्धन आणि सुशोभीकरण प्रकल्पासाठी आवश्यक असलेले हमीपत्र देण्यासाठी ७.५ लाख रुपयांची लाच स्वीकारल्याप्रकरणी एका गावच्या सरपंचाला अटक करण्यात आली आहे. (Sarpanch Arrested)

भिवंडी तालुक्यातील करिवली गावचे सरपंच संजय नाईक (६२) यांना लाच स्वीकारताना लाचलुचपत प्रतिबंधक विभागाने सापळा रचून पकडले, असे निरीक्षक प्रमोद अहिरे यांनी सांगितले. (Sarpanch Arrested)

एसीबीच्या माहितीनुसार, तक्रारदाराला ठाणे जिल्हा परिषदेच्या लघुपाटबंधारे विभागाकडून करिवली तलावाच्या संवर्धन आणि सुशोभीकरणासाठी २.३३ कोटी रुपयांचे कंत्राट मिळाले होते. या प्रकल्पासाठी ९० टक्के निधी सरकारकडून दिला जात असला, तरी उर्वरित १० टक्के रक्कम (सुमारे २३.३ लाख रुपये) करिवली ग्रामपंचायतीमार्फत लोकसहभागातून उभी करायची होती. (Sarpanch Arrested)

कामाचा आदेश जारी करण्यापूर्वी, स्थानिक हिश्श्याची रक्कम टप्प्याटप्प्याने जमा करण्याबाबत ग्रामपंचायतीचे हमीपत्र सादर करण्यास जिल्हा परिषद प्रशासनाने तक्रारदाराला सांगितले होते. (Sarpanch Arrested)

जेव्हा तक्रारदार हमीपत्रासाठी नाईक यांच्याकडे गेले, तेव्हा त्यांनी १० लाख रुपयांची मागणी केली, त्यातील काही रक्कम सुरुवातीला देण्यात आली होती. मात्र, नाईक यांनी जिल्हा परिषदेकडे ते पत्र सादर केले नाही आणि त्यानंतर पुन्हा १० लाख रुपयांची मागणी केली. (Sarpanch Arrested)

वाटाघाटीनंतर नाईक यांनी लाचेची रक्कम ७.५ लाख रुपयांपर्यंत कमी केली, असे एसीबीने सांगितले. आरोपीविरुद्ध भ्रष्टाचार प्रतिबंधक कायद्याअंतर्गत गुन्हा दाखल केला आहे. (Sarpanch Arrested)

Bribe Case : एक कोटींची लाच मागितल्याप्रकरणी बांधकाम विभागाच्या कार्यकारी अभियंत्याला अटक