Santosh Deshmukh Murder Case – जिल्ह्यातील मस्साजोगचे सरपंच संतोष देशमुख यांच्या ‎हत्येच्या घटनेला 77 दिवस‎ उलटूनही आरोपी कृष्णा आंधळे ‎फरार आहे. पोलिस निरीक्षक प्रशांत ‎महाजन व फौजदार राजेश पाटील‎ यांना बडतर्फ करून सहआरोपी ‎करण्यात यावे यासह इतर ‎मागण्यांसाठी मंगळवारपासून ‎मस्साजोग येथील महादेव‎ मंदिरासमोर धनंजय देशमुख‎ यांच्यासह ग्रामस्थांनी आंदोलनास सुरुवात केली.

मस्साजोग ग्रामस्थांनी बैठक घेत सरकारला 24 ‎फेब्रुवारीपर्यंतचा वेळ दिला होता. मस्साजोग ग्रामस्थांनी 17 ‎फेब्रुवारी रोजी रात्री गावातील महादेव‎ मंदिरासमोर बैठक घेतली होती.

तसेच विविध मागण्या मंजूर न केल्यास 25 ‎फेब्रुवारीला अन्नत्याग आंदोलन ‎करण्याचा इशारा दिला होता. या संबंधी ‎सोमवारी रात्री मस्साजोग येथे‎ गावकऱ्यांनी बैठक घेऊन अन्नत्याग ‎आंदोलनाचा निर्णय घेतला. ‎या आंदोलनात गावातील ‎पुरुष- महिलांसह देशमुख कुटुंबही ‎‎सहभागी झाले.