#Video : तुकोबांच्या पालखी स्वागतासाठी निवडुंगा विठोबा मंदिर सज्ज
पुणे – पालखी सोहळ्यानिमित्त दोन दिवस शहरात मुक्कामी असलेल्या वारकऱ्यांसाठी पुणे शहर सज्ज झाले आहे. यानिमित्त महापालिकेनेही विशेष नियोजन केले आहे. वारी काळात यंदाही स्वच्छतेवर भर दिला जाणार असल्याचे प्रशासनाने सांगितले आहे. संत ज्ञानेश्वर महाराज यांच्या पालकीचा मुक्काम विठोबा मंदिर तर संत तुकाराम महाराज यांच्या पालखीचा मुक्काम नानापेठमधील निवडुंगा विठोबा मंदिरात असणार आहेत. या पालखीच्या स्वागतासाठी ही दोन्ही विठोबांची मंदिरे सजली असून स्वागतासाठी पुणे सज्ज झाले आहे.
संत तुकाराम महाराजांच्या पालखीचे नानापेठेतील श्री निवडुंगा विठोबा देवस्थान येथे आज संध्याकाळी 8:30 वाजता आगमन होणार आहे. पालखीच्या आगमनापूर्वी निवडुंगा विठ्ठल मंदिरात विठ्ठल रूक्मिणी मूर्तीची सजावट सुरू आहे. तसेच वारकऱ्यांच्या स्वागतासाठी देखील मंदिरातील व्यवस्थापकांकडून जय्यत तयारी सुरू आहे.
