Budget 2024 । मोदी सरकारच्या 11व्या अर्थसंकल्पाच्या सादरीकरणावर आपचे राज्यसभा खासदार संजय सिंह यांनी प्रतिक्रिया दिली आहे. एकूणच हा ‘सरकार वाचवा, महागाई वाढवा’ आहे. या अर्थसंकल्पातून देशातील सर्वात मोठा वर्ग-शेतकऱ्यांना एमएसपी दुप्पट होईल, अशी अपेक्षा होती. तर तरुणांना रोजगाराची अपेक्षा होती, अग्निवीर योजना रद्द केली जाईल असेही वाटत होते, पण तसे काही घडले नाही.

संजय सिंह पुढे म्हणाले, ‘डिझेल आणि पेट्रोलवरील कर कमी करून दिलासा देण्याची चर्चा झाली होती, मात्र तसे झाले नाही. अशात सरकारने काय केले? शेअर मार्केटमध्ये पैसे गुंतवणाऱ्या या देशातील छोट्या गुंतवणूकदारांना कराचा फटका बसला आहे, त्यामुळे शेअर बाजार कोसळला आहे. हा अर्थसंकल्प अत्यंत निराशाजनक आहे. असेही ते म्हणाले आहे.

अर्थसंकल्पात ‘आप’च्या दिल्ली आणि पंजाबच्या मागण्या पूर्ण झाल्या का? या प्रश्नाला उत्तर देताना संजय सिंह यांनी केंद्र सरकारवर निशाणा साधला. आमची आशा कायम असल्याचे सांगितले. ते दिल्लीला 325 कोटी रुपयांपेक्षा जास्त देणार नाहीत. या सरकारने उर्वरित ८ हजार कोटी रुपये पंजाबला दिले तर पुरेसे आहे.

अर्थसंकल्पाचा मुद्दा सभागृहात उपस्थित केला जाईल
अर्थसंकल्पावर सभागृहात विरोधक सरकारला कोंडीत पकडण्याचा प्रयत्न करतील का? या प्रश्नाला उत्तर देताना आम आदमी पक्षाचे खासदार संजय सिंह म्हणाले,’सध्या अर्थसंकल्पावर सभागृहात चर्चा होणार असून हे सर्व मुद्दे आम्ही सभागृहात मांडणार आहोत’ .

दरम्यान, यावेळच्या बजेटमध्ये कर सुलभ करण्याचे काम करण्यात आले आहे. नवीन कर प्रणाली, कर दर रचना देखील सुधारित करण्यात आली आहे. आता शून्य ते ०-३ लाख. 5 लाख रुपयांपर्यंत 5 टक्के, 10 लाखांपर्यंत 7 टक्के आणि मानक वजावट 75 हजार रुपयांपर्यंत वाढवण्यात आली आहे.