Sanjay Shirsat viral video : महाराष्ट्राच्या  राजकारणातून एक मोठी बातमी समोर आली आहे. शिंदेसनेचे आमदार संजय शिरसाट यांचा पैशांचे बॅगांसहचा व्हिडीओ सोशल मीडियावर प्रचंड व्हायरल झाला आहे. या व्हिडीओमुळे महाराष्ट्राच्या राजकारणात एकच खळबळ उडाली आहे. हा व्हिडीओ समोर येताच संजय शिरसाट यांच्याबाबत वेगवेगळे तर्क लढवले जात आहेत.

सोशल मीडियावर व्हायरल होणाऱ्या व्हिडीओत उबाठा गटाचे नेते संजय राऊत यांनी हा व्हिडीओ त्यांच्या एक्स अकाऊंटवरून शेअर केला आहे. या संपूर्ण प्रकरणावर संजय शिरसाट यांनी बॅगेत पैसेच नाहीत, असा दावा केला असून, माझी बॅग ही कपड्यांनी भरलेली आहे, असे स्पष्टीकरण व्हायरल होणाऱ्या व्हिडीओवर दिली आहे.

यावर बोलताना ते म्हणतात की, “मी तो व्हिडीओ नुकताच पाहिला. व्हिडीओत जे घर दिसतंय ती माझी बेडरुम आहे. मी बनियनवर बसलेलो आहे. बाजूला माझा सर्वात लाडका कुत्रा आहे. तिथे एक बॅग ठेवलेली आहे. याचा अर्थ असा होतो की मी कुठूनतरी प्रवास करून आलो आहे. मी कपडे काढले आहेत आणि मी बेडवर बसलो आहे”, असं स्पष्टीकरण शिरसाट यांनी दिलं.

एवढे सारे पैसे मी बॅगमध्ये कसे ठेवेन?

तसेच एवढे सारे पैसे मी बॅगमध्ये कसे ठेवेन. घरातील अलमाऱ्या मेल्या आहेत का? एवढे सारे पैसे असते तर मी ते अलमारीमध्ये ठेवले असते. त्यांना पैशांशिवाय काहीही दिसत नाही. एकनाथ शिंदे विमानातून उतरले होते. त्यांच्या सुरक्षा रक्षकांच्या हातात काही बॅग होत्या. या बॅगमध्येही पैसे आहेत, असा दावा विरोधकांकडून केला जातो. माझ्या बेडरूमध्ये प्रवासातून आणलेली बॅग आहे, असा दावाही शिरसाट यांनी केला.