Sanjay Raut – ‘NEET-UG 2026’ मधील कथित अनियमितता आणि शिक्षण व्यवस्थेतील प्रश्नांवरून राजधानी दिल्लीतील आंदोलन आता थेट संसदेच्या दारापर्यंत पोहोचलं आहे. जंतरमंतरवर गेल्या काही दिवसांपासून सुरू असलेल्या आंदोलनाच्या पार्श्वभूमीवर ‘कॉकरोच जनता पार्टी’ने सोमवारी, २० जुलै रोजी ‘चलो संसद’ची हाक दिली.

मात्र, दिल्ली पोलिसांनी या मोर्चाला परवानगी नाकारल्यानंतर राजधानीत अभूतपूर्व सुरक्षा व्यवस्था तैनात करण्यात आली. संसद परिसराकडे जाणारे मार्ग बंद करण्यात आले, पोलिस आणि निमलष्करी दलांचा मोठा फौजफाटा तैनात करण्यात आला आणि दिल्ली मेट्रोच्या पाच महत्त्वाच्या स्थानकांवरही प्रवाशांसाठी प्रवेश-निर्गमन बंद करण्यात आले.

या कारवाईवरून आता शिवसेना ठाकरे गटाचे खासदार संजय राऊत यांनी थेट पंतप्रधान नरेंद्र मोदी आणि केंद्र सरकारवर जोरदार हल्लाबोल केला आहे. संजय राऊत यांनी आपल्या ‘एक्स’ अकाउंटवरून पोस्ट करत केंद्र सरकारवर जोरदार टीका केली.  (Sanjay Raut)

सरकार पोरांना घाबरलेय!
शुद्ध मराठीत सांगायचे तर ५६ इंच वाल्यांची हातभार फाटलीय!
डरो मत!
संसदेवरील मार्चला परवानगी नाकारली;
शक्य असते तर जंतर मंतर वरील लाखो लोकांना ED लावली असती ;
पण ते कठीण आहे!
मोर्चा चा मार्ग ED च्या दिशेने वळवायला हवा!
Ed,सुप्रीम कोर्ट या सारख्या संस्था मोदी… https://t.co/XvIUVwQeRx

— Sanjay Raut (@rautsanjay61) July 20, 2026

आपल्या पोस्टमध्ये त्यांनी अत्यंत आक्रमक भाषेत लिहिलं, ‘सरकार पोरांना घाबरलंय! शुद्ध मराठीत सांगायचं तर ५६ इंचवाल्यांची हातभर फाटली. सरकार पोरांना घाबरलेय! शुद्ध मराठीत सांगायचे तर ५६ इंच वाल्यांची हातभार फाटलीय! डरो मत! संसदेवरील मार्चला परवानगी नाकारली;

शक्य असते तर जंतर मंतर वरील लाखो लोकांना ED लावली असती, पण ते कठीण आहे! मोर्चा चा मार्ग ED च्या दिशेने वळवायला हवा! Ed,सुप्रीम कोर्ट या सारख्या संस्था मोदी शहांच्या गुलाम झाल्या आहेत! असं त्यांनी म्हंटलं आहे.    (Sanjay Raut)

दिल्ली पोलिसांकडून संसद मार्चला परवानगी नाकारली :   (Sanjay Raut)

‘कॉकरोच जनता पार्टी’चे संस्थापक अभिजीत दिपके यांच्या नेतृत्वाखाली संसद भवनाच्या दिशेने मोर्चा काढण्याची घोषणा करण्यात आली होती. मात्र, दिल्ली पोलिसांनी या मोर्चाला परवानगी नाकारली. आंदोलनाच्या पार्श्वभूमीवर नवी दिल्ली परिसरात कडक निर्बंध लागू करण्यात आले आणि संसद परिसराच्या दिशेने जाणाऱ्या मार्गांवर मोठ्या प्रमाणावर सुरक्षा व्यवस्था तैनात करण्यात आली.

आंदोलकांनी मात्र मोर्चा शांततेत काढण्याचा निर्धार व्यक्त केला होता. त्यामुळे जंतरमंतर परिसरात तणावाची परिस्थिती निर्माण झाली. आंदोलनकर्त्यांना संसद भवनाच्या दिशेने जाण्यापासून रोखण्यासाठी पोलिसांकडून बॅरिकेडिंग करण्यात आली. पुढे परिस्थिती चिघळल्यानंतर पोलिसांनी आंदोलकांवर कारवाई केली आणि अश्रुधुराचा वापर झाल्याचे वृत्त समोर आले.

हे देखील वाचा :

Kangana Ranaut : “गोंधळ घालणे योग्य नाही… सरकार कसे चालवायचे, हा आमचा अधिकार आहे”; कंगना राणौतचा विरोधकांवर संताप