Sanjay Raut:  कोल्हापूर जिल्ह्याच्या राजकारणात प्रतिष्ठेची बनलेली गोकुळ दूध संघाच्या अध्यक्षपदाची निवडणूक अखेर महायुतीने जिंकली आहे. महायुतीचे उमेदवार राजेश पाटील यांनी सतेज पाटील यांच्या समविचारी आघाडीचे उमेदवार शशिकांत चुयेकर यांचा 16 विरुद्ध 13 मतांनी पराभव केला.

या निकालाने सतेज पाटील यांना मोठा राजकीय धक्का बसला असून महायुतीत जल्लोष करण्यात आला. या निकालानंतर आता ठाकरे गटाचे नेते संजय राऊत यांनी प्रतिक्रिया महायुतीवर निशाणा साधला आहे.

‘गोकुळची कालची निवडणूक आपल्याला मान्य नाही. सतेज पाटील यांचं पॅनल जिंकलेलं असताना तुम्ही विजय ओरबाडून घेतला. इतिहासातील हा काळाकुट्ट दिवस होता,’ असा हल्लाबोल संजय राऊत यांनी यावेळी केला.

‘शाहांना गोकुळ अमूलच्या घशात घालायचं’

“गोकुळची निवडणूक काल पार पडली नाही. जे काल घडलं, त्याला निवडणूक म्हणत नाही. निवडणूक ही 25 सदस्यांमध्येच व्हायला पाहिजे. त्यामध्ये 13चं बहुमत समविचारी पॅनलकडे आहे. शेतकऱ्यांनी निवडून दिलेलं पॅनल आहे. त्यांचे 13 सदस्य आहेत. पण मुख्यमंत्री देवेंद्र फडणवीस यांनी अमित शाह यांच्या दबावाखाली चार सदस्य नेमले. कारण शाहांना गोकुळ अमूलच्या घशात घालायचं आहे.

त्यासाठी कोल्हापुरातील दोन वळू, दोन मंत्री, त्यांनी जे तांडव केलं. त्याचा परिणाम दिसला. याला निवडणूक म्हणत नाही. याला लादणं आणि ओरबाडणं म्हणतात,” अशी टीका संजय राऊत यांनी केली.

‘हसन मुश्रीफ-चंद्रकांत पाटील हे खालच्या पातळीवर वागले’

‘हसन मुश्रीफ आणि चंद्रकांत पाटील हे खालच्या पातळीवर वागले. त्यांना असं वागणं शोभत नाही. चंद्रकांत पाटलांसारखे लोकं विध्वंसक असतात. ज्यांना स्वत:च्या कर्तृत्वावर विश्वास नसतो ते दुसऱ्यावर टीका करतात. जे कोल्हापूरशी नातं सांगतात त्यांना हे शोभत नाही. जे ईडीला घाबरून ढुंगणाला पाय लावून पळून गेले, ते काल शड्डू ठोकताना पाहिल्यावर आश्चर्य वाटलं.

राजकारणात दिवस बदलत असतात. दिवस चंचल असतात. तेव्हा पळून जायची तुमच्यावर वेळ येईल, हे माझं भाकीत आहे. तेव्हा या वळूंना कुणी दारात उभं करू नये. विशेषता शरद पवारांनी या वळूंना दारात उभं करू नये’, असं आवाहन राऊत यांनी केलं.

हेही वाचा: 

Maharashtra Politics : राज्याच्या राजकारणात मोठी खळबळ..! राष्ट्रवादीचे २० ते २२ आमदार फुटणार?