Sanjay Raut-Medha Somaiah । शिवसेनेचे (उद्धव बाळासाहेब ठाकरे) राज्यसभा खासदार संजय राऊत यांच्या अडचणीत वाढ झाली आहे. आज न्यायालयाने भाजप नेते किरीट सोमय्या यांना पत्नी मेघा सोमय्या यांनी दाखल केलेल्या अब्रुनुकसानीच्या खटल्यात संजय राऊत यांना दोषी ठरवले आहे. याशिवाय संजय राऊत यांनाही १५ दिवसांच्या तुरुंगवासाची शिक्षादेखील सुनावण्यात आली आहे. मेधा सोमय्या यांच्यावर 100 कोटींच्या घोटाळ्याचा आरोप Sanjay Raut-Medha Somaiah । भाजप नेते किरीट सोमय्या यांच्या पत्नी मेधा सोमय्या यांच्या याचिकेवर आज मुंबईतील शिवडी न्यायालयात सुनावणी झाली. सुनावणी संपल्यानंतर न्यायालयाने याप्रकरणी शिवसेनेचे राज्यसभा खासदार संजय राऊत यांना दोषी ठरवले. संजय राऊत यांनी मेधा सोमय्या यांच्यावर 100 कोटी रुपयांच्या शौचालय घोटाळ्यात सहभागी असल्याचा आरोप केला होता. मेधा सोमय्या यांनी त्यांचे आरोप फेटाळून लावत त्यांच्यावर अब्रुनुकसानीचा खटला दाखल केला होता. ज्यावर आज सुनावणी पार पडली. 15 दिवसाची कैद असल्याने जामीनास पात्र Sanjay Raut-Medha Somaiah । दरम्यान, याप्रकरणाची सुनावणी पूर्ण होऊन न्यायालयाने निकाल राखून ठेवला होता. या निकालाची आज सुनावणी झाली. तेव्हा न्यायालयाने संजय राऊत दोषी असल्याचा निकाल दिला. न्यायालयाने संजय राऊत यांना 25 हजारांचा दंड आणि 15 दिवसांच्या कारावासाची शिक्षा सुनावली आहे. हा संजय राऊत यांच्यासाठी मोठा धक्का मानला जात आहे. 15 दिवसाची कैद असल्याने संजय राऊत जामीनास पात्र आहे. त्यानंतर आता संजय राऊत यांना रितसर न्यायालयासमोर हजर व्हावे लागेल. ते स्वत:ला सरेंडर करतील. त्यानंतर न्यायालय त्यांना जामीन मंजूर करण्याची शक्यता आहे. सुनावणीवेळी संजय राऊत न्यायालयात हजर नव्हते. परंतु न्यायालयाने आपल्या नियोजीत वेळेत निकालाचे वाचन पूर्ण करून राऊत यांना या प्रकरणी दोषी ठरवले आहे. हेही वाचा “कोणता बदला पूर्ण झाला हे तरी सांगा?” ; संजय राऊतांचा राज्य सरकारला सवाल
