Sanjay Raut : खासदार संजय राऊत यांनी आज पुन्हा एकदा मोठा दावा केला आहे. देशाचे पंतप्रधान आणि केंद्रीय गृहमंत्री अमित शाह यांच्यावर टीका करताना २०२९ च्या आधी अमित शाह, नरेंद्र मोदींना जावं लागेल. अशा प्रकारची स्थिती जागतिक स्तरावर आणि देशात आहे, असा दावा राऊतांनी पत्रकार परिषदेमधून केला आहे.

पक्ष फोडणं हे मोदी, अमित शाह यांचं काम आहे का? देशात अस्वस्थता आहे, बेरोजगारी, महागाई वाढली आहे, रुपया घसरत आहे. देशाची प्रतिमा डागाळत आहे यावर मोदी टेलिप्रॉम्टर शिवाय बोलणार का? असा सणसणीत टोलाही यावेळी बोलताना संजय राऊतांनी लगावला.

पुढे ते म्हणाले, “राहुल गांधी यांनी जबरदस्ती मिठी मारण्याचं प्रात्यक्षिक दाखवलं, ते संपूर्ण जगाने पाहिलं आणि पंतप्रधानांची थू झाली. भारतासारख्या देशासाठी परराष्ट्र धोरण मोठं आहे. जागतिक स्तरावर देशाची प्रतिमा उंचावण्यासाठी परराष्ट्र मंत्रालय काय करत आहे? पंतप्रधांना परदेशात जाऊन मिठ्या मारणं, पुरस्कार घेणं याला धोरण म्हणत नाही.” अशा शब्दांत संजय राऊतांनी पंतप्रधान नरेंद्र मोदींवर निशाणा साधला.

मोहन भागवत यांनी दिल्लीत जाऊन पत्रकार परिषद घेऊन शाह, मोदी यांची पोलखोल केली पाहिजे : संजय राऊत

देशाचे पंतप्रधान आणि गृहमंत्र्यांवर टीका करताना संजय राऊत यांनी आरएएसचे सरसंघचालक मोहन भागवत यांना थेट आव्हान दिले. ते म्हणाले, “भाजपा जोकर आहे. दोन जोकर मोठ्या पदावर आहेत. कोणत्या स्तराचे जोकर आहेत हे जंतर मंतरवर मुलांनी दाखवलं आहे. देशाला दोघांमुळे काय मिळालं? धार्मिक उन्माद, धर्माच्या नावे जे सुरु आहे, हिंदू मुस्लिम, भारत पाकिस्तान हे सर्व. जर आरएएस राष्ट्रभक्त संघटना समजत असेल तर मोहन भागवत यांनी दिल्लीत जाऊन पत्रकार परिषद घेऊन शाह, मोदी यांची पोलखोल केली पाहिजे.”

देशाचा सैतान गृहमंत्री मुलांवर पॅलेट गन चालवतो. अश्रूधुराचा मारा करतो, दादागिरी करतो, पक्षा फोडतो. शाहांचा राजीनामा मागण्यासाठी आवाज उठवला तर तो गोंधळ नाही, लोकशाही संरक्षणाची कवचकुंडलं आहेत, असेही संजय राऊत म्हणाले.

Manisha Koirala : 2012 मध्ये ओव्हेरियन कॅन्सरचे निदान; मनीषा कोईरालाने अशी केली मात! म्हणाली “ती रात्र…”