Sanjay Nirupam । महाराष्ट्रातील विधानसभा निवडणुकीबाबत पक्ष आणि विरोधकांमध्ये आरोप-प्रत्यारोपांची राजकीय खेळी सुरू आहे. दरम्यान, एकनाथ शिंदे शिवसेनेचे गटनेते संजय निरुपम यांनी महाविकास आघाडी आणि असदुद्दीन ओवेसी यांच्या पक्ष एआयएमआयएमवर हल्लाबोल केला आहे. एआयएमआयएम महाराष्ट्राचे वातावरण बिघडवण्याचा प्रयत्न करत असून एमव्हीएचे नेते त्याला प्रोत्साहन देत असल्याचा आरोप त्यांनी केला आहे.

संजय निरुपम यांनी सोशल मीडियावर लिहिले, “ओवेसी आणि उद्धव ठाकरे यांच्यातील जवळीक वाढत आहे. महाराष्ट्रातील वातावरण जातीयवादी करण्यासाठी एमआयएम मोहीम राबवत आहे. महाविकास आघाडीचे नेते त्यांना प्रोत्साहन देत आहेत. ठाकरे गटाने  हिंदुत्वाशी कायमचे संबंध तोडले आहेत का?”  असा सवाल देखील त्यांनी यावेळी उपस्थित केला .

MVA मुस्लिम समाजाला भडकावतात Sanjay Nirupam । 

शिवसेना नेत्याने पुढे लिहिले की, “संभाजीनगरमध्ये सुरू असलेले नाटक महाराष्ट्राच्या राजकीय वातावरणासाठी अत्यंत धोकादायक आहे. एमव्हीएने आधी मराठा समाजाला भडकावले, आता मुस्लिम समाजाला भडकावत आहे. निवडणुका येतील आणि जातील, पण सामाजिक एकोपा नष्ट झाला की पुन्हा सावरायला बरीच वर्षे लागतील.

संजय निरुपम यांचा उद्धव ठाकरेंवर टोला Sanjay Nirupam । 

मुख्यमंत्र्यांच्या चेहऱ्याबाबत संजय निरुपम यांनी नुकतेच महाविकास आघाडीत उद्धव ठाकरे यांची खरडपट्टी काढली होती. उद्धव ठाकरे हे मुख्यमंत्रीपदाच्या शर्यतीतून बाद झाल्याचं त्यांनी म्हटलं होतं. ते म्हणाले, “महाराष्ट्र विधानसभा निवडणुकीपूर्वी मुख्यमंत्री होण्याचे उद्धव ठाकरेंचे स्वप्न आता चकनाचूर झाले असून यामागे त्यांच्या मित्रपक्ष काँग्रेस आणि राष्ट्रवादी काँग्रेसचे नेते आहेत.”

या वर्षी महाराष्ट्रात विधानसभा निवडणुका होणार आहेत. मात्र, निवडणूक आयोगाने अद्याप निवडणुकीच्या तारखा जाहीर केलेल्या नाहीत. निवडणूक आयोग महाराष्ट्रातील निवडणुकीच्या तयारीचा आढावा घेणार आहे. सूत्रांनी दिलेल्या माहितीनुसार, मुख्य निवडणूक आयुक्त राजीव कुमार यांच्या नेतृत्वाखालील आयोगाचे पथक २७-२८ सप्टेंबर रोजी महाराष्ट्राचा दौरा करणार आहे.

हेही वाचा
‘काँग्रेस 125 जागांवर…’ ; विजय वडेट्टीवार यांचे मविआमधील जागावाटपावर मोठे विधान