Sanjay Dauut | बॅालीवूड अभिनेता संजय दत्त उर्फ संजू बाबा त्याच्या आगामी अनेक चित्रपटांमधून चाहत्यांच्या भेटीला येणार आहे. संजय दत्त नेहमीच अॅक्शन, रोमान्स आणि थ्रिलर या चित्रपटातून प्रेक्षकांच्या भेटीला येत असतो. पण यावेळी तो एका हॅार्रर जॅानर चित्रपटात पाहायला मिळणार आहे. तो या जॅानर्चच्या दोन चित्रपटांमध्ये दिसणार आहे, एक आहे भूतनी तर दुसरा आहे प्रभासचा राजा साहब. यामुळे संजय दत्तचा या चित्रपटांमध्ये काम पाहण्यासाठी चाहते उत्सुक झाले आहेत.

‘द भूतानी’ हा सिध्दांत सचदेव दिग्दर्शित आगामी हॉरर बॉलीवूड ड्रामा चित्रपट आहे. नुकताच या चित्रपटातील सर्व स्टार्सचा फर्स्ट लूक शेअर करण्यात आला, जो चाहत्यांना खूप आवडला. या लूकमधील संजय दत्ताच अनोखा अवतार चाहत्यांना खूपच आवडला. ‘द भूतानी’ या नावावरूनच हे स्पष्ट होते की हा एक हॉरर चित्रपट आहे. या चित्रपटात संजय दत्तशिवाय सनी सिंग, मौनी रॉय आणि पलक तिवारी मुख्य भूमिकेत दिसणार आहेत. या चित्रपटाचे निर्माते दीपक मुकुट आहेत.

तर संजय दत्त प्रभासच्या बहुप्रतिक्षेत चित्रपट राजा साहबमध्ये देखील पाहायला मिळणार आहे. या चित्रपटाचे दिग्दर्शक मारुती हे असणार आहे. हा साऊथचा कॉमेडी हॉरर चित्रपट असणार आहे. या चित्रपटात प्रभास, निधी अग्रवाल, मालविका मोहनन, रिद्धी कुमार यांच्या देखील प्रमुख भूमिका असणार आहे.

या चित्रपटाचे अनेक पोस्टर्स रिलीज करण्यात आलेली आहेत. पण सर्व पोस्टर्समध्ये केवळ प्रभासचा लूक समोर आला आहे आता ‘द राजा साब’मधील त्याचा अवतार पाहण्यासाठी संजयचे चाहते आतुरतेने वाट पाहत आहेत. हा चित्रपट 10 एप्रिल 2025 रोजी थिएटरमध्ये प्रदर्शित होणार आहे.