Khalnayak Returns : अभिनेता संजय दत्त लवकरच ‘खलनायक रिटर्न्स’ या चित्रपटातून प्रेक्षकांच्या भेटीस येणार आहे. संजय दत्त ३३ वर्षांनंतर त्याच्या ‘खलनायक’ या सुपरहिट चित्रपटाचा सीक्वल घेऊन येत आहे, ज्याची नुकतीच अधिकृत घोषणा करण्यात आली. ‘खलनायक रिटर्न्स’ची बातमी समोर आल्यापासून चाहत्यांमध्ये कमालीची उत्सुकता पाहायला मिळत आहे.

या चित्रपटाच्या निमित्ताने जॅकी श्रॉफ आणि संजय दत्त यांची जोडी पुन्हा एकदा रुपेरी पडद्यावर आमनेसामने दिसणार आहेत. ‘खलनायक’च्या या सीक्वलमध्ये जॅकी श्रॉफ यांची एंट्री पक्की झाली असून, स्वतः जॅकी श्रॉफ यांनी ही माहिती शेअर केली आहे. जवळपास तीन दशकांनंतर संजय दत्त पुन्हा एकदा ‘बल्लू बलराम’ या आयकॉनिक भूमिकेत मोठ्या पडद्यावर दिसणार आहे.

जॅकी श्रॉफ यांनी स्पष्ट केले आहे की, सुभाष घई यांच्या दिग्दर्शनाखाली बनलेल्या ‘खलनायक’च्या सीक्वलसाठी ते पुन्हा एकदा संजय दत्तसोबत काम करणार आहेत. जॅकी श्रॉफ यांच्या या चित्रपटामधील एंट्रीमुळे प्रेक्षकांचा उत्साह आणखी वाढला आहे. १९९३ मध्ये आलेल्या मूळ ‘खलनायक’ चित्रपटात जॅकी श्रॉफ यांनी ‘इन्स्पेक्टर राम’ या प्रामाणिक पोलीस अधिकाऱ्याची भूमिका साकारली होती, जी आजही प्रेक्षकांच्या चांगलीच लक्षात आहे.

जॅकी श्रॉफ यांची ‘खलनायक रिटर्न्स’मध्ये एंट्री
नुकत्याच झालेल्या एका संभाषणात जॅकी श्रॉफ यांनी ‘खलनायक’च्या सीक्वलबद्दल आपला आनंद व्यक्त केला. ते म्हणाले, “खूपच छान! मी याची आतुरतेने वाट पाहत आहे. १००% कमिशनर तर असायलाच हवा, नाही का? कमिशनर असणारच ना? मित्रांसोबत काम करायला नेहमीच मजा येते. संजू बाबा तर माझा जीव आहे. मी या प्रोजेक्टबाबत दिग्दर्शक सुभाष घई आणि संजय दत्त या दोघांशीही त्यांची आधीच चर्चा केली आहे.” Khalnayak Returns

दरम्यान, या वर्षाच्या सुरुवातीला संजय दत्तने घोषणा केल्यापासूनच हा सीक्वल कमालीचा चर्चेत आहे. गेल्या महिन्यात मेकर्सनी एका कार्यक्रमात ‘खलनायक रिटर्न्स’चे पोस्टर आणि फर्स्ट लुक रिलीज केला होता. यामध्ये संजय दत्त वाढलेल्या केसांच्या डॅशिंग लुकमध्ये दिसत आहे. संजय दत्तच्या या लुकने सोशल मीडियावर येताच धुमाकूळ घातला आणि चित्रपटाबद्दल प्रेक्षकांची उत्सुकता शिगेला पोहोचवली आहे.

‘खलनायक’ ठरला होता सुपरहिट
सुभाष घई यांच्या दिग्दर्शनाखाली १९९३ मध्ये आलेल्या ‘खलनायक’या चित्रपटात संजय दत्त, जॅकी श्रॉफ आणि माधुरी दीक्षित मुख्य भूमिकेत दिसले होते. यात संजय दत्तने ‘बल्लू’, जॅकी श्रॉफ यांनी ‘ऑफिसर राम’ आणि माधुरी दीक्षितने अंडरकव्हर ‘ऑफिसर गंगा’ची भूमिका साकारली होती.Khalnayak Returns

हेही वाचा: 

Sobhita Dhulipala : “…त्यामुळे अशा गोष्टी फार मनावर घेण्याची गरज नसते”; प्रसिद्ध अभिनेत्रीचं वक्तव्य चर्चेत