Anaya Bangar Allowed To Play Cricket In Australia Transgender Cricketer WBBL Eligibility Rule : भारताचे माजी अष्टपैलू क्रिकेटपटू आणि माजी फलंदाजी प्रशिक्षक संजय बांगर यांची मुलगी अनाया बांगर (Anaya Bangar) हिला क्रिकेट विश्वातून एक अत्यंत दिलासादायक आणि मोठी आनंदाची बातमी मिळाली आहे. ट्रान्सवुमन (Transwoman) झाल्यानंतर क्रिकेट कारकीर्द संपल्याची भीती वाटत असतानाच, क्रिकेट ऑस्ट्रेलियाने (Cricket Australia) तिला महिलांच्या स्थानिक क्रिकेटमध्ये खेळण्यास अधिकृत परवानगी दिली आहे. यामुळे अनाया आता लवकरच मैदानावर महिला क्रिकेटपटू म्हणून आपली नवी इनिंग सुरू करताना दिसणार आहे.

‘माझी कारकीर्द संपली असे वाटले होते!’; परवानगी मिळताच अनाया झाली भावूक –

काही काळापूर्वीपर्यंत मुलगा म्हणून मुंबईसाठी अंडर-१९ क्रिकेट खेळणाऱ्या अनायाने लिंगबदल शस्त्रक्रियेनंतर मोठा संघर्ष अनुभवला आहे. क्रिकेट खेळण्याची परवानगी मिळाल्यानंतर इंडियन एक्सप्रेसला दिलेल्या मुलाखतीत भावना व्यक्त करताना तिने सांगितले, “माझ्या आयुष्यात एक असा टप्पा आला होता, जेव्हा माझी क्रिकेट कारकीर्द आता कायमची संपली असे मला वाटू लागले होते. मात्र ऑस्ट्रेलियातून आलेल्या या ऐतिहासिक निर्णयाने माझ्या स्वप्नांना आणि अपेक्षांना पुन्हा एकदा नवीन पंख दिले आहेत.”

महिला बिग बॅश लीगमध्ये खेळण्यासाठी पूर्ण करावी लागणार ‘ही’ कठीण अट –

Mumbai, Maharashtra: Former Indian men’s cricket team national coach Sanjay Bangar’s daughter Anaya Bangar says, “Today is an important day for me because after several years away from competitive cricket, I can finally speak about a pathway back to the sport that has been such a… pic.twitter.com/nHUFyZqhDs

— IANS (@ians_india) August 26, 2026

क्रिकेट ऑस्ट्रेलियाने अनायाला स्थानिक आणि राज्य पातळीवरील महिला क्रिकेट सामने खेळण्यास मान्यता दिली आहे. मात्र, ऑस्ट्रेलियाची सर्वात मोठी व्यावसायिक लीग असलेल्या वुमेन्स बिग बॅश लीग (WBBL) सारख्या एलिट स्पर्धेत खेळण्यासाठी तिला एका कडक वैद्यकीय अटीची पूर्तता करावी लागणार आहे. आंतरराष्ट्रीय नियमांनुसार, अनायाला तिच्या शरीरातील टेस्टोस्टेरॉनची (Testosterone) पातळी १० nmol/L च्या खाली ठेवावी लागेल. सातत्याने या चाचण्यांमध्ये उत्तीर्ण झाल्यानंतरच तिला डब्ल्यूबीबीएलमध्ये खेळण्याची संधी मिळू शकेल.

हेही वाचा – Duleep Trophy Semifinals : दुलीप ट्रॉफीच्या उपांत्य फेरीचे चित्र स्पष्ट! ईस्ट झोनची गाठ बलाढ्य सेंट्रल झोनशी; वैभव अन् रजतवर सर्वांच्या नजरा

‘बीसीसीआयने मौन बाळगले, पण ऑस्ट्रेलियाने साथ दिली!’; सांगितला खडतर प्रवास –

या प्रवासादरम्यान अनायाने बीसीसीआयच्या (BCCI) भूमिकेवरही खंत व्यक्त केली. तिने सांगितले, “मी माझे वैद्यकीय अहवाल आणि रिसर्च डेटा बीसीसीआयला पाठवला होता, मात्र तिथून मला कोणताही प्रतिसाद मिळाला नाही. क्रिकेट ऑस्ट्रेलियाने मात्र माझे सर्व अहवाल तपासून मला मैदानावर उतरण्याची परवानगी दिली.” मुलगा ते मुलगी या प्रवासात प्रचंड शारीरिक आणि मानसिक त्रासाला सामोरे जावे लागले असून, कुटुंब, मित्र आणि करिअर बदलले तरी सध्याच्या आयुष्यात आपण अत्यंत आनंदी आणि समाधानी असल्याचे तिने नमूद केले.