Sangli News : सांगलीच्या विश्रामबाग परिसरातील (Sangli News) एका कॅफेमध्ये अल्पवयीन मुलीवर बलात्काराची घटना घडल्यानंतर श्री शिवप्रतिष्ठान युवा हिंदुस्तान आक्रमक झाली. श्री शिवप्रतिष्ठान युवा हिंदुस्थानाचे संस्थापक नितीन चौगुले यांच्या नेतृत्वात संघटनेने सांगलीच्या विश्रामबाग परिसरातील अनेक कॅफेवर छापे टाकण्यात आले.

यावेळी पोलीस अधीक्षक कार्यालयापासून हाकेच्या अंतरावर असणाऱ्या विश्रामबाग परिसरातील कॅफेवर छापा टाकण्यात आला. परंतु, यावेळी कारवाईच्या भीतीने कॅफे चालकांनी पलायन केले होते. विश्रामबाग पोलीस ठाण्यापासून 500 मीटर अंतरावर असणाऱ्या एका कॅफेमध्ये अल्पवयीन मुलीवर बलात्काराची घटना घडली.

विश्रामबाग परिसरात असणाऱ्या अवैधरित्या (Sangli News) सुरू असणाऱ्या अनेक कॅफेमध्ये कंपार्टमेंटमध्ये अनैतिक कृती करण्यासाठी जादा रक्कम उकळली जात होती. अशाच एका कॅफेमध्ये अल्पवयीन मुलीला नेऊन तिच्यावरती लैंगिक अत्याचार करण्यात आले. त्यानंतर तिचे अश्लील व्हिडिओ समाज माध्यमावर व्हायरल करण्यात आले होते.

या प्रकारानंतर श्री शिव प्रतिष्ठान युवा हिंदुस्तानने अवैधरित्या सुरू असणाऱ्या कॅफेवर छापे टाकले. संघटनेने छापेमारी केल्यानंतर पोलिसांनी धाव घेतली. तर सांगली शहरातील रिसाला रोडवरील एका कॅफेत कचरा डब्ब्यात निरोधची पाकिटे व गर्भ निरोधक गोळ्यांची पाकिटे आढळून आली. त्यामुळे कॅफेत चाललंय तरी काय असा प्रश्न पोलीस अधिकाऱ्यांसमोर नितीन चौगुले विचारला.

यावेळी श्री शिवप्रतिष्ठान युवा हिंदुस्तानच्या (Sangli News) कार्यकर्त्यांनी जोरदार घोषणाबाजी केली. घटनास्थळी उपअधीक्षक संदीप भागवत, स्थानिक गुन्हे अन्वेषणचे पोलीस निरीक्षक संजीव कुमार झाडे,सांगली शहर पोलीस निरीक्षक अरुण सुगावकर आणि विश्रामबाग पोलीस ठाण्याचे पोलीस निरीक्षक सुधीर भालेराव उपस्थित होते.