Sandeshkhali case । पश्चिम बंगालमधील संदेशखळी हिंसाचारातील मुख्य आरोपी टीएमसी नेता शाहजहान शेख याला अटक करण्यात आलीये. कोलकाता उच्च न्यायालयाच्या आदेशानुसार बंगाल पोलिसांनी त्याला अटक केली. पोलिसांनी काल रात्री शाहजहानला सरबेरिया भागातून ताब्यात घेतले. त्यानंतर पहाटे पाचच्या सुमारास त्याला बसीरहाट येथील पोलीस लॉकअपमध्ये आणण्यात आले. मिळालेल्या माहितीनुसार, बंगाल पोलीस त्याला आजच न्यायालयात हजर करणार आहेत.
शाहजहानच्या अटकेची पुष्टी करताना मिनाखान एसडीपीओ अमिनुल इस्लाम खान यांनी सांगितले की, ‘बंगाल पोलिसांनी टीएमसी नेता शेख शाहजहानला उत्तर 24 परगणा येथील मिनाखान भागातून अटक केली आहे. त्याला आज बशीरहाट न्यायालयात हजर करण्यात येणार आहे.’
शाहजहान शेख हे तृणमूल काँग्रेसचे शक्तिशाली आणि प्रभावी नेते म्हणून ओळखले जातात. ते संदेशखळी युनिटचे टीएमसी अध्यक्षही राहिले आहेत. शहाजहान शेख पहिल्यांदा प्रकाशझोतात आला जेव्हा 5 जानेवारी रोजी बंगाल रेशन वितरण घोटाळ्याप्रकरणी ईडीचे पथक शहाजहानची चौकशी करण्यासाठी आले होते, तेव्हा त्याच्या टोळ्यांनी ईडीच्या पथकावर हल्ला केला. तेव्हापासून ईडी सतत शहाजहान शेखला चौकशीसाठी समन्स बजावत आहे, मात्र ईडी टीमवर झालेल्या हल्ल्यानंतर शाहजहान शेख फरार असून त्याला फरार होऊन ५७ दिवस झाले आहेत.
Sandeshkhali case । संदेशखाली कधी चर्चेत आले
ईडी टीमवर हल्ल्यानंतर संदेशखाली चर्चेत आले, जेव्हा तेथील महिलांनी शाहजहान शेख यांच्यावर जमीन बळकावल्याचा आणि त्याच्या साथीदारांवर लैंगिक छळ केल्याचा आरोप केला. या प्रकरणी डाव्या आणि भाजप पक्षांनी ममता सरकारचा तीव्र निषेध केला. संदेशाखाली कलम 144 लागू करून विरोधकांना तिथे जाण्यापासून रोखण्यात आले, मात्र भाजपच्या नेत्यांनी हा मुद्दा बंगालपासून दिल्लीपर्यंत मांडला आणि संदेशखालीतील सर्व आरोपींना अटक करण्यासाठी ममता सरकारवर दबाव आणला. बंगाल पोलिसांनी त्याच्या गुंडांना अटक केली असली तरी शहाजहान शेखला पोलिसांना सापडत नव्हता. कोलकाता उच्च न्यायालयाने शहाजहानला अटक करण्याचे आदेश दिल्यानंतर पोलिसांनी कारवाई करत रात्री उशिरा त्याला अटक केली.
हेही वाचा
Jharkhand Train Accident | हायस्पीड ट्रेनने प्रवाशांना उडवले, अधिकाऱ्यांनी सांगितले अपघाताचे कारण