Kalidas Maharaj Death : पाथरी तालुक्यातील श्रीक्षेत्र गुंज येथील दत्त संप्रदायाचे ज्येष्ठ संत कालिदास महाराज यांचे छत्रपती संभाजीनगरजवळील बीड बायपास परिसरात झालेल्या भीषण रस्ते अपघातात दुर्दैवी निधन झाले. या दुर्घटनेत त्यांच्या भावजय स्मिता बोरीकर यांचाही जागीच मृत्यू झाला असून, वाहनचालक गंभीर जखमी झाला आहे. या घटनेमुळे परभणीसह संपूर्ण मराठवाड्यात शोककळा पसरली आहे. (Kalidas Maharaj Death)

मिळालेल्या माहितीनुसार, टेंबे स्वामी महाराजांच्या पुण्यतिथीनिमित्त श्रीक्षेत्र गरुडेश्वर येथे दर्शनासाठी गेलेले कालिदास महाराज आपल्या सहकाऱ्यांसह श्रीक्षेत्र गुंजकडे परतत असताना हा भीषण अपघात झाला. अपघाताची माहिती मिळताच परिसरात हळहळ व्यक्त करण्यात आली. (Kalidas Maharaj Death)

कालिदास महाराज यांनी गेली चार दशके अखंड मौनव्रत पाळत अध्यात्म, समाजप्रबोधन आणि सेवाकार्याला वाहून घेतले होते. व्यसनमुक्ती, सदाचार, निस्वार्थ सेवा आणि मानवतेचा संदेश त्यांनी आपल्या आचरणातून दिला. त्यांच्या साध्या आणि संयमी जीवनशैलीमुळे राज्यभरातील हजारो भाविक त्यांना श्रद्धेने मानत होते. (Kalidas Maharaj Death)

त्यांच्या निधनाची बातमी समोर येताच श्रीक्षेत्र गुंज येथे शोकमय वातावरण निर्माण झाले. विविध धार्मिक, सामाजिक आणि राजकीय क्षेत्रातील मान्यवरांनी त्यांना श्रद्धांजली अर्पण केली. (Kalidas Maharaj Death)

मंत्री मेघना बोर्डीकर यांनीही सोशल मीडियावर शोक व्यक्त करत, “कालिदास महाराज यांच्या जाण्याने अध्यात्म आणि समाजजीवनात मोठी पोकळी निर्माण झाली आहे,” अशा शब्दांत त्यांना भावपूर्ण श्रद्धांजली वाहिली. दरम्यान, या अपघाताचा पुढील तपास संबंधित पोलीस करत असून, अपघाताचे नेमके कारण अद्याप स्पष्ट झालेले नाही. (Kalidas Maharaj Death)

Sant Tukaram Maharaj Palkhi: कृषिमंत्री दत्तात्रय भरणे बनले तुकोबांच्या रथाचे सारथी; सणसरमध्ये पालखीचे भक्तीमय स्वागत