Sachin Tendulkar Donates 26 Historic Bats MCA Sharad Pawar Cricket Museum Batography : क्रिकेटचा देव मानल्या गेलेल्या सचिन तेंडुलकरने आपल्या शानदार कारकिर्दीत जगभरातील क्रीडाप्रेमींना अविस्मरणीय आठवणी दिल्या आहेत. आता चाहत्यांना त्या ऐतिहासिक खेळींमध्ये वापरलेल्या बॅट्स अगदी जवळून पाहण्याची सुवर्णसंधी मिळणार आहे. सचिनने आपल्या आंतरराष्ट्रीय कारकिर्दीतील २६ खास बॅट्स आणि इतर अनेक मौल्यवान स्मृतीचिन्हे मुंबई क्रिकेट असोसिएशनच्या (MCA) शरद पवार क्रिकेट संग्रहालयाला भेट देण्याचा मोठा निर्णय घेतला आहे.

१०० शतकांमधील खास बॅट्स, हेल्मेट आणि जर्सीचे होणार प्रदर्शन –

सचिनच्या या ऐतिहासिक संग्रहात त्या खास बॅट्सचा समावेश असेल, ज्यांच्या साहाय्याने त्याने १०० आंतरराष्ट्रीय शतकांपैकी काही सर्वात संस्मरणीय शतके ठोकली होती. याशिवाय सचिनचे हेल्मेट, जर्सी आणि कारकिर्दीतील महत्त्वाच्या क्षणांशी संबंधित वैयक्तिक नोट्सही या संग्रहालयात प्रदर्शित केल्या जातील. या संपूर्ण विशेष प्रदर्शनाला ‘बॅटोग्राफी’ असे नाव देण्यात आले असून, विविध टप्प्यांवर वापरलेल्या बॅट्सच्या माध्यमातून त्याचा जागतिक क्रिकेट प्रवास उलगडला जाईल.

आंतरराष्ट्रीय निवृत्तीच्या १३ व्या वर्धापनदिनी खास अनावरण सोहळा –

STORY | Sachin to gift 26 bats, memorabilia for display at MCA museum

Cricket legend Sachin Tendulkar will gift 26 of his prized cricketing bats, including those with which he scored some of his 100 international centuries, along with other memorabilia for display at the Mumbai Cricket Association’s (MCA) Sharad Pawar Cricket Museum.

READ: https://t.co/Tb3KZiBJ3C

— Press Trust of India (@PTI_News) November 11, 2026

या प्रदर्शनाचे भव्य अनावरण येत्या १६ नोव्हेंबर रोजी एका विशेष कार्यक्रमात पार पडणार आहे. विशेष म्हणजे, सचिनच्या आंतरराष्ट्रीय क्रिकेट निवृत्तीचा हा १३ वा वर्धापनदिन आहे. सचिनने १६ नोव्हेंबर २०१३ रोजी मुंबईतील वानखेडे स्टेडियमवर वेस्ट इंडिजविरुद्ध आपल्या कारकिर्दीतील २०० वा आणि अखेरचा कसोटी सामना खेळला होता; त्यासोबतच त्याच्या २४ वर्षांच्या दैदीप्यमान कारकिर्दीची सांगता झाली होती. याच ऐतिहासिक दिवशी हा ठेवा खुला होणार आहे.

शरद पवार क्रिकेट संग्रहालयात सचिनसाठी राखीव दालन –

Sachin Tendulkar at the MCA Sharad Pawar Cricket Museum.

He was received by MCA President Ajinkya Naik, Secretary Prof. Dr. Unmesh Khanvilkar, Jt. Secretary Nilesh Bhosle and Treasurer Arman Mallick, who accompanied him through the tour.

#MCA #Cricket #MCAMuseum #Wankhede https://t.co/MtrLtfauTQ

— Mumbai Cricket Association (MCA) (@MumbaiCricAssoc) September 30, 2026

एमसीएच्या शरद पवार क्रिकेट संग्रहालयात सचिन तेंडुलकरसाठी एक स्वतंत्र आणि विशेष दालन सज्ज केले जात आहे. येथे भेट देणाऱ्या सर्वसामान्य क्रिकेट चाहत्यांना सचिनच्या कारकिर्दीतील ऐतिहासिक क्षण, विक्रम आणि देश-विदेशातील अविस्मरणीय विजयांशी संबंधित वस्तू प्रत्यक्ष पाहता येतील. यामुळे नव्या पिढीतील उदयोन्मुख खेळाडूंना आणि जगभरातून मुंबईत येणाऱ्या क्रीडा रसिकांना थेट सचिनच्या क्रिकेट प्रवासाची अनुभूती घेता येईल.

हेही वाचा – Hardik Leaves MI : विराटला मध्यस्थी करावी लागली, पण मुंबईचे सहकारी गप्प राहिले! हार्दिक पंड्याने का सोडली एमआयची साथ? पाहा VIDEO

एमसीए अध्यक्ष अजिंक्य नाईक यांनी व्यक्त केला आनंद –

या ऐतिहासिक उपक्रमावर आनंद व्यक्त करताना एमसीएचे अध्यक्ष अजिंक्य नाईक म्हणाले की, ‘बॅटोग्राफी’मुळे आमच्या संग्रहालयाला एक अनोखे परिमाण लाभले आहे. ज्या साधनांच्या बळावर सचिनने महापराक्रम गाजवले, त्याच वस्तूंच्या माध्यमातून चाहत्यांना त्याच्या संघर्षाची कहाणी जाणून घेता येईल. सचिनने आपला अनमोल ठेवा एमसीएसोबत शेअर केल्याने आम्हा सर्वांना मोठा अभिमान वाटत आहे.